ৰঙিয়াৰ বালাগাঁৱত চোৰৰ উপদ্ৰৱ । এইবাৰ চোৰৰ চকু পৰিল ২৭ নং বালা বনগাঁও প্ৰাথমিক বিদ্যালয়ত । শ্ৰেণী কোঠাৰ খিড়িকী ভাঙি প্ৰৱেশ দুৰ্বৃত্তৰ । কোঠাটোৰ ভিতৰত প্ৰৱেশ কৰিয়ে এফালৰ পৰা তন্ন তন্নকৈ পৰীক্ষা কৰে বিদ্যালয়ৰ গুৰুত্বপূৰ্ণ সা-সামগ্ৰী । তাৰ পিছত শ্ৰেণী কোঠাৰ ভিতৰৰ পৰা খুলি নিলে তিনিখনকৈ চিলিং ফেন । নিশাৰ ভাগত বিদ্যালয়ত চোৰে এনেদৰে নিৰ্বিঘ্নে চুৰি কাৰ্য সংঘটিত কৰাত সৃষ্টি হৈছে চাঞ্চল্যৰ । উল্লেখ্য যে ইয়াৰ পূৰ্বেও এই বিদ্যালয়খনতে পাঁচ বাৰকৈ চুৰি কাৰ্য সংঘটিত হৈছে । বিদ্যালয় কতৃপক্ষই ইতিমধ্যে ঘটনা সন্দৰ্ভত ৰঙিয়া থানাত এজাহাৰ দাখিল কৰিছে । আৰক্ষীৰ দল এটা বিদ্যালয়খনত উপস্থিত হৈ প্ৰথমিক তদন্ত আৰম্ভ কৰে । শিক্ষানুষ্ঠান এখনত এনেদৰে চোৰে চাফাই অভিযান চলোৱা দুৰ্বৃত্তক অতি সোনকালে কৰায়ত্ব কৰাৰ বাবে দাবী জনাইছে বিদ্যালয় কতৃপক্ষই ।
ৰঙিয়াৰ পৰা ৰিজাউল হাচান ।
