ওদালগুৰিৰ বৰঙ্গাজুলিত ভয়ংকৰ পথ দুৰ্ঘটনা , এগৰাকী কন্যা শিশু আহত ৷
আজি ৰাতিপুৱা প্ৰায় ৫.৩০ মান বজাত AS-02-CC-8726 নম্বৰৰ ট্ৰাকখনে নিয়ন্ত্ৰণ হেৰুৱাই পথৰ দাঁতিত এটি পৰিয়ালৰ বাসগৃহ মহতিয়াই লৈ যায় ।
ওদালগুৰি- তামুলপুৰ পথৰ বৰঙ্গাজুলিৰ সমীপৰ নৃপেন বড়ো নামৰ লোকজনৰ ঘৰত সংঘটিত হয় এই ভয়াৱহ পথ দুৰ্ঘটনা।
টংলা দিশৰ পৰা আটাৰীখাট অভিমূখে তীব্ৰগতিত গৈ থকা সময়ত বেটাৰী ভৰ্তি ট্ৰাকখনে প্ৰথমে এটা বিদ্যুৎৰ খুটাত খুন্দিয়াই তাৰ পিছত নৃপেন বড়োৰ ঘৰখন সম্পূৰ্ণৰূপে ভাঙি চুড়মাৰ কৰে ।
ইফালে নৃপেন বড়োৰ ৯ বছৰীয়া কন্যা লক্ষী বড়ো শুই থকা অৱস্থাতেই ট্ৰাকখনে মহতিয়াই লৈ যায় ।
গুৰুত্ব ভাবে আহত হোৱা শিশু গৰাকীক স্থানীয় ৰাইজৰ সহযোগত ডিমাকুছি আৰক্ষীয়ে উদ্ধাৰ কৰি সংকটজনক অৱস্থাত গুৱাহাটী চিকিৎসা মহাবিদ্যালয়লৈ প্ৰেৰণ কৰে ৷
দূৰ্ঘটনা সংঘটিত কৰিয়ে ট্ৰাক চালকজনে পলায়ন কৰে । মুঠতে মৃত্যুদুতত পৰিণত হৈ পৰিছে ওদালগুৰি- তামুলপুৰ পথ ৷
