এইবাৰ সূৰ্যৰ অধ্যয়নৰ বাবে সাজু হৈছে । সম্ভৱতঃ ২ ছেপ্টেম্বৰৰ পৰা ইছৰোৰ সূৰ্য অধ্যয়ন আৰম্ভ হ’ব । সূৰ্য অধ্যয়ন কৰিব ইছৰোৰ আদিত্য-এল ১ মহাকাশযানে । আদিত্য-এল ১ মহাকাশযান বিশেষভাৱে নিৰ্মাণ কৰা হৈছে যিয়ে ১.৫ মিলিয়ন দূৰৈত থকা সূৰ্যত ছোলাৰ কৰোনো আৰু ইন ছিটু পৰীক্ষা কৰিবলৈ সক্ষম হ’ব ।বেংগালুৰুৰ মুখ্য কাৰ্যালয়ৰ মহাকাশ সংস্থাৰ দ্বাৰা উৎক্ষেপণ কৰিবলগীয়া এই মহাকাশযান হ’ব সূৰ্যৰ পৰ্যৱেক্ষণৰ প্ৰথমখন ভাৰতীয় মহাকাশ অভিযান । আদিত্য-এল ১ মিছনে, এল১-ৰ চাৰিওফালৰ কক্ষপথৰ পৰা সূৰ্য অধ্যয়ন কৰাৰ লক্ষ্যৰে বিভিন্ন ৱেভবেণ্ডত ফটোস্ফিয়াৰ, ক্ৰমস্ফিয়াৰ আৰু সূৰ্যৰ আটাইতকৈ বাহিৰৰ স্তৰ, কৰোনা পৰ্যবেক্ষণ কৰিবলৈ ৭ টা পেলোড কঢ়িয়াই নিব।
ইছৰোৰ এগৰাকী বিষয়াই জনোৱা মতে আদিত্য-এল ১ হৈছে ৰাষ্ট্ৰীয় প্ৰতিষ্ঠানসমূহৰ অংশগ্ৰহণৰ সৈতে এক সম্পূৰ্ণ থলুৱাভাৱে নিৰ্মাণ কৰা মহাকাশযান । বেংগালুৰুস্থিত ইণ্ডিয়ান ইনষ্টিটিউট অফ এষ্ট্ৰোফিজিক্স (আইআইএ) হৈছে নিৰ্গমন লাইন কৰোনাগ্ৰাফ পেলোড নিৰ্মাণৰ মুখ্য প্ৰতিষ্ঠান । আনহাতে পুনেৰ ইণ্টাৰ-ইউনিভাৰ্চিটি চেণ্টাৰ ফৰ এষ্ট্ৰ’নমি এণ্ড এষ্ট্ৰোফিজিক্সে এই অভিযানৰ বাবে সৌৰ অতিবেঙুনীয়া ইমেজাৰ পেলোড নিৰ্মাণ কৰিছে।
আদিত্য-এল১-এ কৰোনাৰ ওপৰত পৰ্যৱেক্ষণ প্ৰদান কৰিব পাৰে আৰু ইউভি পেলোড ব্যৱহাৰ কৰি সৌৰ ক্ৰমমণ্ডলত আৰু এক্স-ৰে পেলোড ব্যৱহাৰ কৰি ফ্লেয়াৰত পৰ্যৱেক্ষণ কৰিব । কণা চিনাক্তকৰ্তা আৰু মেগনেটোমিটাৰ পেলোডে চাৰ্জড কণা আৰু এল১-ৰ চাৰিওফালে থকা হেলো কক্ষপথত উপনীত হোৱা চুম্বকীয় ক্ষেত্ৰৰ বিষয়ে তথ্য প্ৰদান কৰিব পাৰে।
মহাকাশযানখন সূৰ্য-পৃথিৱী প্ৰণালীৰ এল১-ৰ চাৰিওফালে এটা হেলো কক্ষপথত স্থাপন কৰাৰ পৰিকল্পনা কৰা হৈছে । ইছৰোৱে উল্লেখ কৰে যে এল১ বিন্দুৰ চাৰিওফালে থকা হেলো কক্ষপথত ৰখা এটা উপগ্ৰহৰ কোনো গ্ৰহণ অবিহনে সূৰ্যক নিৰন্তৰ চোৱাৰ মুখ্য সুবিধা আছে । ই সৌৰ কাৰ্যকলাপ আৰু প্ৰকৃত সময়ত মহাকাশৰ বতৰৰ ওপৰত ইয়াৰ প্ৰভাৱ নিৰীক্ষণ কৰাৰ অধিক সুবিধা প্ৰদান কৰিব।
বিশেষ সুবিধাজনক বিন্দু এল১ ব্যৱহাৰ কৰি, চাৰিটা পেলোডে পোনপটীয়াকৈ সূৰ্য পৰ্যবেক্ষণ কৰিব আৰু বাকী তিনিটা পেলোডে এল১-ত কণা আৰু ক্ষেত্ৰৰ ইন-চিটু অধ্যয়ন কৰিব । এনেদৰে আন্তঃগ্ৰহ মাধ্যমত সৌৰ গতিশীলতাৰ প্ৰসাৰৰ প্ৰভাৱৰ গুৰুত্বপূৰ্ণ বৈজ্ঞানিক অধ্যয়ন প্ৰদান কৰিব।
