- পবিত্ৰ ভাদ মাহৰ অন্যতম পবিত্ৰ তিথি কৃষ্ণ জন্মাষ্টমী অহা সপ্তাহত উদযাপন কৰা হ’ব। এই তিথিত ভগৱান শ্ৰীকৃষ্ণৰ জন্ম হৈছিল বুলি বিশ্বাস কৰা হয়।
-
ভাদ মাহৰ কৃষ্ণ পক্ষৰ অষ্টমী তিথিত জন্মাষ্টমী পালন কৰা হয়। জনবিশ্বাস অনুসৰি, এই তিথিতে ৰোহিনী নক্ষত্ৰত ভগৱান শ্ৰীকৃষ্ণৰ জন্ম হৈছিল।
-
অসমীয়া পঞ্জিকা অনুসৰি, এইবাৰ জন্মাষ্টমী তিথি ৬ ছেপ্টেম্বৰ, বুধবাৰে বিয়লি ৩.৩৭ বজাৰ পৰা আৰম্ভ হ’ব।
-
জন্মাষ্টমী তিথি অহা ৭ ছেপ্টেম্বৰ বৃহস্পতিবাৰৰ বিয়লি ৪.১৪ বজালৈকে থাকিব। ফলত ভক্তসকলে দীৰ্ঘসময় ধৰি এই মহা পাৰ্বণ পালন কৰিব পাৰিব।
-
সাধাৰণতে জন্মাষ্টমী নিশা উদযাপন কৰা হয়। এইবাৰ ৰোহিনী নক্ষত্ৰ ৬ ছেপ্টেম্বৰৰ পুৱা ৯.২০ বজাৰ পৰা ৭ ছেপ্টেম্বৰৰ পুৱা ১০.২৫ বজালৈকে থাকিব। সেয়েহে অষ্টমী তিথি আৰু ৰোহিনী নক্ষত্ৰৰ অন্ত পৰাৰ বাবে ৬ ছেপ্টেম্বৰত অধিকাংশ ভক্তই জন্মাষ্টমী উদযাপন কৰিব।
- এইবাৰ জন্মাষ্টমী তিথিৰ শুভ মুহূৰ্ত বুধবাৰে নিশা ১১.৫৭ বজাৰ পৰা আৰম্ভ হ’ব আৰু মাজনিশা ১২.৪২ বজাত কৃষ্ণৰ জন্মৰ সময় পালন কৰা হ’ব।
