ষ্টেট বেংক অৱ ইণ্ডিয়া (এছবিআই)ৰ তৰফৰ পৰা বেংকৰ বিভিন্ন শাখাত নিযুক্তিৰ বাবে মুঠ ৮,২৮৩টা জুনিয়ৰ এছ’চিয়েট (কাষ্টমাৰ ছাপ’ট এণ্ড ছেল্ছ) পদৰ বাবে ইচ্ছুক আৰু অর্হতাসম্পন্ন প্রার্থীৰ পৰা আবেদন আহ্বান কৰিছে৷ প্রার্থীসকলে অনলাইনযোগে আবেদন জনাব পাৰিব৷ প্রার্থীসকলে কেৱল এখন ৰাজ্য/ইউটিৰ বাবেহে আবেদন জনাব পাৰিব৷ মুঠ ৮,২৮৩টা খালী পদৰ অসমত ৪৩০টা, অৰুণাচল প্রদেশত ৬৯টা, মণিপুৰত ২৬টা, মেঘালয়ত ৭৭টা, মিজোৰামত ১৭টা, নাগালেণ্ডত ৪০টা আৰু ত্রিপুৰাত ২৬টা পদ খালী আছে৷ পদসমূহত দৰমহাৰ নিৰিখ মাহিলি ১৭,৯০০–২০,৯০০, ২৪,৫৯০–৩০,৫৫০, ৪২,৬০০–৪৫,৯৩০ টকা দিয়া হ’ব৷ প্রার্থীসকলৰ বয়স ২০২৩ চনৰ ১ এপ্রিলত ২০ বছৰৰ কম আৰু ২৮ বছৰৰ অধিক হ’ব নালাগিব৷ প্রার্থীসকলৰ জন্ম ১৯৯৫ চনৰ ২ এপ্রিলৰ আগত আৰু ২০০৩ চনৰ ১ এপ্রিলৰ পিছত হ’ব নোৱাৰিব৷ এছচি আৰু এছটি প্রার্থীৰ বয়সৰ উচ্চ সীমা ৫ বছৰ, অ’বিচিৰ উচ্চ সীমা ৩ বছৰ, পিডব্লিউডি (অসংৰক্ষিত) শ্রেণীৰ বয়সৰ উচ্চসীমা ১০ বছৰ, পিডব্লিউডি (অ’বিচি)ৰ উচ্চসীমা ১৩ বছৰ আৰু পিডব্লিউডি (এছচি/এছটি) শ্রেণীভুক্ত প্রার্থীৰ বয়সৰ উচ্চসীমা ১৫ বছৰ ৰেহাই দিয়া হ’ব৷ এই পদসমূহত আবেদনৰ বাবে প্রার্থীয়ে কোনো স্বীকৃতিপ্রাপ্ত বিশ্ববিদ্যালয়ৰ পৰা সমপর্যায়ৰ চৰকাৰী প্রতিষ্ঠানৰ পৰা স্নাতক ডিগ্রীধাৰী হ’ব লাগিব৷ যিসকল প্রার্থীয়ে চূড়ান্ত বর্ষত অথবা চূড়ান্ত ছেমিষ্টাৰত অধ্যয়ন কৰি আছে তেওঁলোকেও আবেদন জনাব পাৰিব৷ এইসকল প্রার্থীয়ে স্নাতক ডিগ্রী লাভ কৰাৰ প্রমাণ–পত্র ৩০ ডিচেম্বৰৰ পূর্বে জমা দিব লাগিব৷ প্রার্থীসকলৰ নির্দিষ্ট ৰাজ্যৰ ভাষাৰ ওপৰত জ্ঞান থাকিব লাগিব৷ আবেদনৰ সৈতে অসংৰক্ষিত শ্রেণীৰ প্রার্থীসকলে ৭৫০ টকা আৰু অ’বিচি–ইডব্লিউএছ প্রার্থীয়ে ৭৫০ টকা জমা দিব লাগিব৷ এছচি, এছটি আৰু পিডব্লিউডি প্রার্থীয়ে কোনো আবেদন মাচুল জমা দিব নালাগে৷ আগ্রহী আৰু অর্হতাসম্পন্ন প্রার্থীসকলে এছবিআই কেৰিয়াৰ ৱেবছাইটৰ জৰিয়তে আবেদন জনাব পাৰিব৷ মূল বিজ্ঞাপনত এই সম্পর্কে সকলো ধৰণৰ বিষয় প্রার্থীসকলে চাব পাৰিব৷ আবেদন প্রক্রিয়া ইতিমধ্যে আৰম্ভ হৈছে যদিও আবেদনৰ অন্তিম তাৰিখ ৭ ডিচেম্বৰ৷
