হিন্দুত্বৰ শ্ল’গান দি শাসনত অহা বিজেপি দলে নিৰ্বাচনৰ পূৰ্বে হিন্দু বাঙালীসকলৰ ডি ভোটাৰ, বিদেশী সমস্যা, ডিটেনচন কেম্প ভাঙি দিয়াকে বহু জলন্ত-সমস্যা সমাধানৰ প্ৰতিশ্ৰুতি দি বাঙালী ৰাইজৰ ৯৯ শতাংশ ভোট লৈ অসমত দুবাৰকৈ শাসন চলোৱা বিজেপি দলৰ প্ৰতিশ্ৰুতি অসাৰ প্ৰতিপন্ন হ’ল ।
জাতিৰ মাজত বিভেদৰ লগাই সমখজখনক অস্থিৰ কৰি ৰাখিছে । বিজেপিৰ শাসনত বাঙালীয়ে কেৱল বঞ্চনা আৰু প্ৰতাৰণা পাই আহিছে অথচ সমস্যা সমাধান কৰিম বুলি আজিলৈকে নকৰিলে । বসুন্ধৰা আঁচনিৰ জৰিয়তে চৰকাৰখনে চক্ৰান্তমূলকভাৱে বাঙালী হিন্দুক অসমত ভূমিহীন কৰাৰ ষড়ষন্ত্ৰত লিপ্ত হৈছে । তেনে বহু অভিযোগেৰে জনগোষ্ঠীটোৰ দুয়োটা ছাত্ৰ সংগঠনৰ কৰ্মী আক্ৰমণাত্মক হৈ উঠে ড৹ হিমন্ত বিশ্ব শৰ্মা নেতৃত্বাধীন বিজেপি চৰকাৰৰ বিৰুদ্ধে ।
দিছপুৰত বিজেপিৰ চৰকাৰৰ চলি থকাৰ মাজত ২০১৮ চনত তিনিচুকীয়াৰ ধলা বিচনীমূখত অচিনাক্ত দুৰ্বৃত্তৰ গুলীত ৫ জনকৈ নিৰীহ বাঙালী লোকক গণহত্যা কৰা হ’ল । ঘটনাৰ পাঁচটা বছৰ অতিক্ৰম কৰাৰ পাচতো আজিলৈকে সঠিক তদন্ত নহ’ল । এইখন চৰকাৰে ৰাইজৰ বাবে কেতিয়াও ভাল চিন্তা নকৰে ।
সংবাদমেলত ফেডাৰেশ্যনৰ ৰাজ্যিক উপ-সভাপতি ধনঞ্জয় নাথ, ধেমাজি জিলাৰ সভাপতি কালন দেৱনাথে আৰু বাঙালী জাতীয় পৰিষদৰ ধেমাজি জিলা সমিতিৰ সভাপতি শান্তমনি সৰকাৰৰ লগতে কেবাজনো নেতা উপস্থিত থাকে ।
