যোৰহাট চহৰৰ কাকতিগাওঁ সেউজ নগৰত উদ্ধাৰ নৱজাতক, মোনাত ভৰাই পেলাই থৈ গ’ল পথৰ কাষত
শিশু দিৱসৰ দিনটোতে যোৰহাটত সংঘটিত হল এই মানৱতাক লজ্জানত কৰা ঘটনা । যোৰহাট চহৰৰ তৰাজান কাকতিগাঁও সেউজ নগৰত পথৰ কাষত পেলাই থৈ যোৱা অৱস্থাত এটি নৱজাতক উদ্ধাৰ হোৱা ঘটনাই চাঞ্চল্যৰ সৃষ্টি কৰিছে। এটা বাসগৃহৰ দেৱালৰ বাহিৰত পথৰ কাষত এটা মোনাত ভৰাই কোনো লোকে পেলাই থৈ গৈছিল নৱজাতক ল’ৰা শিশুটিক।
উল্লেখযোগ্য যে, বস্তাৰে মেৰিয়াই থোৱা নৱজাতকটিৰ মুখখন কাপোৰেৰে ঢাকি থোৱা অৱস্থাত আছিল। পুৱা স্থানীয়লোকে নৱজাতকটিৰ কান্দোন শুনা পাই অনুসন্ধান কৰি নৱজাতকটি উদ্ধাৰ কৰে। ইতিমধ্যে স্থানীয় লোকৰ তৎপৰতাত নৱজাতকটিক JMCHত ভৰ্ত্তি কৰা হৈছে.।
