ৰঙিয়া গুৰকুছি কৰৰাত ৰঙিয়া আৰক্ষীয়ে অভিযান চলাই দুজনকৈ যুৱকৰ ঘৰৰ পৰা পিষ্টল, তিনিজাই গুলী সহ নগদ ধন জব্দ কৰিবলৈ সক্ষম হয় ।
ৰঙিয়া আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীয়ে জানিবলৈ দিয়ামতে এক গোপন সুত্ৰৰ ভিত্তিত নিশাৰ ভাগত ৰঙিয়া গুৰকুছিৰ কৰাৰত ৰিংকু আলী ওৰফে গাগাৰ ঘৰত তালাচী চলোৱা হয় ।
তালাচীৰ সময়ত গাগাৰ ঘৰৰ পৰা এটা পিষ্টল সহ তিনিজাই সজীৱ গুলী উদ্ধাৰ কৰিবলৈ সক্ষম হয় । গাগাৰ স্বীকাৰোক্তি ভিত্তিত তেওৰ লগত জড়িত থকা একে গাঁওৰে আলম আলী নামৰ এজন যুৱকক আটক কৰিবলৈ সক্ষম হয় ।
আলম আলীৰ ঘৰৰ পৰা নগত ১৬ হেজাৰ টকা আৰক্ষীয়ে উদ্ধাৰ কৰিবলৈ সক্ষম হয় । আৰক্ষীয়ে জানিবলৈ দিয়ামতে ধৃত গাগা ইয়াৰ পুৰ্বে ড্ৰাগছ সংক্ৰান্তীয় গোচৰত আৰক্ষীয়ে জেল হাজোতলৈ প্ৰেৰণ কৰিছিল ।
গাগাৰ বিৰুদ্ধে ৰঙিয়া আৰক্ষী থানাত এক গোচৰ ৰুজু হৈ আছে । বৰ্তমান আৰক্ষীয়ে ধৃত দুয়োজনকে সোধপোচ অব্যহত ৰাখিছে ।
ৰঙিয়াৰ পৰা ৰিজাউল হাচান ।
