বহু শিশু পঢ়াত অতি আগ্ৰহী। ইয়াৰ বিপৰীতে একাংশৰ আকৌ পঢ়া-শুনাৰ প্ৰতি একেবাৰেই আগ্ৰহ নাথাকে। এনে শিশুসকলক যেতিয়াই আপুনি পঢ়িবলৈ কয়, তেওঁলোকে তেতিয়াই কিবা নহয় কিবা অজুহাত দেখুৱাই পঢ়াৰ পৰা পলাই ফুৰে।পঢ়াৰ সময়ত তেওঁলোকৰ টোপনি, ভোক বা মুৰৰ বিষ হোৱাৰ আৰম্ভ হয়। শিশুৰ এনে স্বভাৱৰ বাবে বহু সময়ত অভিভাৱকসকলে অতিষ্ঠ হৈ তেওঁলোকক মাৰ-ধৰ কৰে।এনে পৰিস্থিতিত, অভিভাৱকসকলে কিছুমান সহজ পদ্ধতি গ্ৰহণ কৰি সন্তানক পঢ়াৰ প্ৰতি আকৰ্ষিত কৰিব পাৰে।আজি সেই বিষয়ে জানো আহক-
চাপ নিদিব
শিশুৰ ওপৰত কোনো ধৰণৰ চাপ নিদিব। যদি আপুনি তেওঁলোকৰ ওপৰত অধ্যয়নৰ বাবে হেঁচা প্ৰয়োগ কৰে, তেওঁলোকে লাহে লাহে অধ্যয়নৰ পৰা পলায়ন কৰা আৰম্ভ কৰিব।পঢ়াৰ কথা কেৱল পঢ়া সময়তহে পাতিব। যদি আপুনি সকলো সময়তে তেওঁলোকৰ সৈতে অধ্যয়নৰ বিষয়ে কথা পাতে, তেওঁলোক আৰু অধিক খিংখিঙীয়া হৈ পৰিব।
এনে বস্তুবোৰ আঁতৰাই ৰাখিব
যদি আপুনি শিশুৱে আন্তৰিকতাৰে অধ্যয়ন কৰাটো বিচাৰে, তেওঁলোকৰ সন্মুখৰ পৰা এনে বস্তুবোৰ আঁতৰাব, যিবোৰে তেওঁলোকক বিচলিত কৰিব পাৰে। ফোন, পুতলা বা ভিডিঅ’ গেমৰ দৰে বস্তুবোৰ সেইবোৰৰ পৰা আঁতৰত ৰাখিব। তেতিয়াহে তেওঁ পঢ়া শুনা ভালদৰে কৰিব পাৰিব।
অনুপ্ৰেৰিত কৰক
অভিভাৱকসকলে প্ৰায়ে তেওঁলোকৰ সন্তানক আন সন্তানৰ সৈতে তুলনা কৰে।কিন্তু কেতিয়াও শিশুক আনৰ লগত তুলনা কৰিব নালাগে। ই শিশুৰ ওপৰত বেয়া প্ৰভাৱ পেলায়। তুলনা কৰাৰ ফলত শিশুৱে অনুভৱ কৰে যে তেওঁলোকে একো ভাল কৰিব নোৱাৰে।সেয়েহে, সদায় তেওঁলোকক অনুপ্ৰাণিত কৰিব লাগে, যাতে তেওঁলোকে কামবোৰ আৰু ভালদৰে কৰিব পাৰে।
দোষ খুচৰি নাথাকিব
কেতিয়াও শিশুৰ দোষ খুচৰি নাথাকিব। আপুনি এনে কৰ্মই তেওঁলোকৰ মনত দুখ দিয়ে। শিশুৱে অনুভৱ কৰিবলৈ আৰম্ভ কৰে যে তেওঁলোকৰ কেৱল ত্ৰুটি আছে, তেওঁলোকে একো ভাল কৰিব নোৱাৰে।সেয়েহে, সময়ে সময়ে তেওঁলোকৰ কামৰ প্ৰশংসা কৰি আপুনি তেওঁলোকক উৎসাহ বৃদ্ধি কৰিব।
ৰুটিন তৈয়াৰ কৰিব
এটা শিশুক ভালদৰে শিকোৱাৰ বাবে ৰুটিনৰ খুবেই প্ৰয়োজন। ৰুটিনে তেওঁলোকৰ মাজত অনুশাসন আনিব আৰু তেওঁলোকে প্ৰতিটো কাম সময়মতে কৰিব পাৰিব। আৰম্ভণিতে শিশুক দীঘলীয়া সময়ৰ বাবে পঢ়িবলৈ নিদিব। অধ্যয়নত তেওঁলোকৰ আগ্ৰহ বঢ়াৰৰ লগে লগে তেওঁলোকৰ অভ্যাস সলনি কৰিব।
