সোমবাৰে ৰাতিপুৱাই নগাঁৱত অঘটন।
নগাঁৱত ডাম্পৰৰ দৌৰাত্ম।
ধোঁৱা চাঙত জিলা প্ৰশাসন, যান বাহন আৰক্ষী আৰু জিলা পৰিবহন বিভাগ।
নগাঁৱৰ ডিমৰুগুৰিৰ এটা জিৰণি চ’ৰাত এখন ডাম্পৰে খুন্দিয়াৰ ফলত জিৰণি চ’ৰাটোত বহি থকা দুজন ব্যক্তি বেয়াকৈ আহত হয়।
AS-02-DC-3957 নম্বৰৰ ডাম্পৰ খনে সংঘটিত কৰে দুৰ্ঘটনাটো।
দুৰ্ঘটনা সংঘটিত কৰা ডাম্পাৰ চালক জনে সুৰা পান কৰি কানত হে’ড ফোন লগাই ডাম্পাৰ চলাই অহাৰ অভিযোগ কৰিছে একাংশ স্থানীয় ৰাইজে।
ইতিমধ্যে আৰক্ষীয়ে দুৰ্ঘটনা সংঘটিত কৰা ডাম্পাৰ চালক জনক আটক কৰিছে।
দুৰ্ঘটনা সংঘটিত হোৱা স্থানত এখন বিদ্যালয় থকাৰ পাছতো সেই ঠাইত স্পিড বেকাৰ নথকাৰো অভিযোগ কৰিছে স্থানীয় ৰাইজে।
