হাঁহিটোৱে হৈছে মানুহৰ সৌন্দৰ্য । দাঁতে আমাৰ হাঁহিত মনোমোহতা যোগ কৰে। সেয়েহে মানুহে দাঁতবোৰ বগা আৰু আকর্ষণীয় দেখাবলৈ বিভিন্ন ধৰণৰ চেষ্টা কৰে ।
বহুতে দাঁতৰ জিলিকনিৰ বাবে আয়ুর্বেদিক টুথপেষ্ট ব্যৱহাৰ কৰে। দাঁত মজবুত কৰিবলৈ বহুতে বিভিন্ন ঘৰুৱা উপায়ো চেষ্টা কৰে, কিন্তু আমি সকলোৱে কৰা এটা ভুল হ’ল টুথব্রাছ বহুদিন ব্যৱহাৰ কৰা। বেয়া নোহোৱালৈকে আমি ব্যৱহাৰ কৰো । সুস্থ দাঁতৰ বাবে প্ৰতিজন ব্যক্তিয়ে ৩ৰ পৰা ৪ মাহৰ পিছত টুথব্ৰাছ সলনি কৰিব লাগে। কিন্তু তাৰ অৰ্থ এইটো নহয় যে ব্ৰাছ ভাঙিবলৈ বা ব্রিষ্টলবোৰ নষ্ট হ’বলৈ ৪ মাহ অপেক্ষা কৰিব লাগে।
যদি আপুনিও এই কাম কৰে তেন্তে সাৱধান হওক । একেটা টুথব্রাছ দীর্ঘদিন ব্যৱহাৰ কৰাৰ বাবে দাঁত আৰু মুখৰ বিভিন্ন সমস্যাৰ সন্মুখীন হ’ব পাৰে।
দীৰ্ঘদিন ধৰি এডাল টুথব্ৰাছ ব্যৱহাৰ কৰিলে কি হয় জানো আহক!
১.ব্রিষ্টল দুর্বলতা
টুথব্ৰাছৰ ব্ৰিষ্টলে দাঁত পৰিষ্কাৰ কৰাত সহায় কৰে আৰু অণুজীৱ আঁতৰাই পেলায়। দীৰ্ঘদিন ব্যৱহাৰ কৰিলে ব্রিষ্টলবোৰত ভেঁকুৰ ধৰে, যাৰ ফলত ইহঁতে সঠিকভাৱে কাম কৰিব নোৱাৰে ।
২.বেক্টেৰিয়া বৃদ্ধি
টুথব্ৰাছত বেক্টেৰিয়া, ভাইৰাছ আৰু ভেঁকুৰ আদি গজিব পাৰে। এই বীজাণুবোৰৰ অবাঞ্চিত বৃদ্ধিয়ে মুখত সংক্ৰমণৰ সৃষ্টি কৰিব পাৰে।
৩.সংক্ৰমণৰ আশংকা
টুথব্ৰাছ দীর্ঘদিনলৈ ব্যৱহাৰ কৰিলে তাত বেক্টেৰিয়া আৰু বীজাণু বৃদ্ধি পাব পাৰে, যাৰ ফলত দাঁত আৰু গুৰিত সংক্ৰমণৰ সম্ভাৱনা বৃদ্ধি পায়
