গ্ৰীষ্মৰ আগমনৰ লগে লগে ছালৰ বিভিন্ন সমস্যাই দেখা দিয়ে ৷ গৰমৰ দিনত তৈলাক্ত ছালৰ যত্ন বেছিকৈ ল’ব লাগে। কাৰণ গৰমত ছালখন খুব বেছি তেলেতীয়া হৈ থাকে। এনেস্থলত শালমইনাৰ সৃষ্টি হয়। নোমছিদ্ৰসমূহ ডাঙৰ হয়। ব্লেক হেডছ আদিয়ে বেছিকৈ দেখা দিয় ৷ গৰম দিনত ছালৰ তৈলাক্ত ভাব কমাবলৈ আছে কিছুমান ঘৰুৱা বিধান । দৈ আৰু নেমু ৰসৰ মিশ্ৰণ মুখত ২০ মিনিট লগাই ধুই দিব লাগে ৷ দৈ আৰু নেমু ৰসে ছালক মইশ্বাৰাইজ কৰে ৷ দৈয়ে মুখৰ উজ্বলতা বৃদ্ধি কৰে ৷ নেমু ৰসত ভিটামিন চি থাকে ৷ ভিটামিন চিয়ে ছালক অতি বেঙুনীয়া ৰশ্মিৰ পৰা হোৱা অপকাৰত বাধা দিয়ে ৷ তৈলাক্ত ছালৰ বাবে আন এটা উপকাৰী পেক হৈছে, মুলতানী মাটি, গোলাপ জল আৰু নেমু ৰসৰ মিশ্ৰণ ৷ মুলতানী মাটি তৈলাক্ত ছালৰ বাবে মহৌষধ । লগতে বেচন, দৈ আৰু নেমুৰ ৰসৰ মিশ্ৰণ ব্যৱহাৰে ছালক পৰিষ্কাৰ কৰি ৰখাত সহায় কৰে ৷ দৈৰ সলনি এই মিশ্ৰণত গোলাপ জলো ব্যৱহাৰ কৰিব পাৰি ৷ আনহাতে মচুৰ দাইল গাখীৰত তিয়াই কোমল কৰি লৈ দাইলখিনি ভালদৰে পিহি মৌৰ লগত মিলাই মুখত ১৫-২০ মিনিট সময় লগাব লাগে ৷ এই মিশ্ৰণে ছালৰ ক’লা দাগৰ সমস্যাৰ পৰা ৰক্ষা কৰাৰ লগতে ছালৰ তৈলাক্ত ভাৱ দূৰ কৰাত সহায় কৰে ৷ গ্ৰীষ্ম কালত ছালৰ ক্লিনজিঙত গুৰুত্ব আৰোপ কৰিব লাগে ৷ তৈলাক্ত ছালৰ বাবে সদায় অইল ফ্ৰি ক্লিনজাৰ ব্যৱহাৰ কৰিব লাগে ৷
তৈলাক্ত ছালৰ বাবে কিদৰে ঘৰতে ল’ব যত্ন?
Posted on by GTM Desk
![](https://guwahatitimes.com/wp-content/uploads/2024/01/Copy-of-Copy-of-চাকৰিৰ-পিছত-নদৌৰি-সীমিত-মূল-ধনেৰেও-হব-পাৰি-স্বাৱলম্বী-11.jpg)
1 min read
You May Also Like
গণেশ চতুৰ্থী উপলক্ষ্যে ২০ কিলোগ্ৰাম সোণ দান কৰিলে অনন্ত আম্বানীয়ে
September 7, 2024
Pre- World Physiotherapy day celebration at PEWS
September 7, 2024