সকলো লোকৰে স্মৃতিশক্তি বৃদ্ধি কৰাৰ ক্ষেত্ৰত ব্ৰাহ্মী শাকে যথেষ্ট সহায় কৰে বুলি কোৱা হয় ৷ বিশেষকৈ শিশুৰ স্মৃতিশক্তি বৃদ্ধিৰ বাবে ব্ৰাহ্মী শাক অতি উপকাৰী। ব্ৰাহ্মী শাকে মগজুৰ সংজ্ঞাত্মক ক্ৰিয়া বৃদ্ধি কৰি মনোনিৱেশৰ শক্তি বৃদ্ধি কৰে। কিন্তু ব্ৰাহ্মী বনৌষধি কেৱল স্মৃতিশক্তিৰ বাবেই নহয়, আন বহু কামৰ বাবেও উপযোগী।
অভিজ্ঞ চিকিৎসক অসীমে কয় যে ডায়েবেটিছ ৰোগীৰ তেজৰ ডায়েবেটিছ নিয়ন্ত্ৰণৰ বাবে ব্ৰাহ্মী শাক অতি উপযোগী। ইয়াক মধুমেহ ৰোগৰ দৰৱ হিচাপেও বহু লোকে ব্যৱহাৰ কৰে কিয়নো ব্ৰাহ্মী শাকে শৰীৰত ৰক্ত শৰ্কৰাৰ পৰিমাণ নিয়ন্ত্ৰণ কৰে যাৰ ফলত মধুমেহ ৰোগ নিয়ন্ত্ৰণ হৈ থাকে ৷ শৰীৰত হাইপ’গ্লাইচেমিয়াৰ সমস্যা থাকিলে এই ব্ৰাহ্মী বনৌষধি অতি উপকাৰী বুলি গণ্য কৰা হয়।
বাত বিষত ভুগি থকা লোকসকলৰ বাবে এই পাচলি খোৱাটো অতি উপকাৰী। গেষ্ট্ৰিকৰ সমস্যা, বিষ, বিৰক্তি কমোৱাতো ব্ৰাহ্মী বনৌষধিৰ যথেষ্ট গুৰুত্ব আছে।
ব্ৰাহ্মী শাকত থকা এন্টিঅক্সিডেণ্টে শৰীৰৰ বিষমুক্ত কৰাত সহায় কৰে। ফলত শৰীৰৰ পৰা ক্ষতিকাৰক প্ৰদূষক নিৰ্গত হয় আৰু কৰ্কট ৰোগৰ সম্ভাৱনা কমি যায়। ব্ৰাহ্মী শাকে শৰীৰৰ কোষসমূহ ধ্বংস কৰিব পৰা ৰেডিকেলসমূহৰ পৰা কোষক সুৰক্ষা প্ৰদান কৰে ৷ এই ৰেডিকেলসমূহে শৰীৰত কেন্সাৰ ৰোগৰ সৃষ্টি কৰিব পাৰে ৷
শৰীৰৰ ৰোগ প্ৰতিৰোধ ক্ষমতা বৃদ্ধিৰ লগতে শৰীৰ সতেজ কৰি ৰখাতো এই ব্ৰাহ্মী শাক অতি উপযোগী। যিসকলৰ ৰোগ প্ৰতিৰোধ ক্ষমতা কম, তেওঁলোকে এই শাক-পাচলিৰ ৰস খাব লাগে।
ব্ৰাহ্মীৰ শাকত বেকোচাইড নামৰ ৰাসায়নিক পদাৰ্থ থাকে যিয়ে স্নায়ুৰ অৱক্ষয় বহু পৰিমাণে বন্ধ কৰে। এই বনৌষধিবিধে মানুহৰ পেশীত কিছুমান ৰাসায়নিক পদাৰ্থৰ নিঃসৰণ বৃদ্ধি কৰে, যাৰ ফলত স্মৃতিশক্তি কমা হ্ৰাস পায়।
ব্ৰাহ্মী বনৌষধিয়ে মানসিক চাপ আৰু উদ্বেগ হ্ৰাস কৰাতো সহায় কৰে বুলি কোৱা হয়। ব্ৰাহ্মী শাকে শৰীৰত কৰ্টিজল বা চিন্তাৰ হৰমন হ্ৰাস কৰাত সহায় কৰে। এই ব্ৰাহ্মী বনৌষধি খালে উদ্বিগ্নতা আৰু হতাশাৰ পৰা উপশম পাব পাৰি। ইয়াৰ লগতে এই বনৌষধিয়ে মগজুৰ হোম’কেম্পেল অংশত যথেষ্ট ভাল প্ৰভাৱ পেলায়।
