কেন্দ্ৰীয় চৰকাৰৰ আদেশ- হৰলিক্স এতিয়াৰ পৰা হেল্ডী ড্ৰিংক নহয়
ভাৰতৰ প্ৰায় প্ৰতিখন ঘৰৰে শিশুৰ বাবে থকা পানীয় খাদ্য বিধেই হৈছে হৰলিক্স। পাছে এতিয়াৰ পৰা সেই হৰলিক্স হেল্ডী ড্ৰিংক নহব। ভাৰত চৰকাৰে জাৰি কৰা নিৰ্দেশনা অনুসৰি হৰলিক্সৰ পৰা আঁতৰিব হেল্ডি ড্ৰিংক শব্দ।
হিন্দুস্থান ইউনিলিভাৰ লিমিটেডৰ অধীনত থকা বহু কেইটা ব্ৰেণ্ডৰ ভিতৰত হৰলিক্সো এবিধ। ভাৰত চৰকাৰৰ নিৰ্দেশনাৰ পাছতে এতিয়া হিন্দুস্থান ইউনিলিভাৰ লিমিটেডে হৰলিক্সৰ পৰা হেল্ডী ড্ৰিংক শব্দ কাটি ফাংচনেল নিউট্ৰিচনেল ড্ৰিংকছ’ (functional nutritional drinks’ (FND) বিভাগত অন্তৰ্ভুক্ত হব।
বাণিজ্য আৰু উদ্যোগ মন্ত্ৰালয়ে কেইবাটাও পানীৰ কোম্পানীক ই-কমাৰ্চ প্লেটফৰ্মৰ পৰা ‘স্বাস্থ্যকৰ পানীয়’ শিতানৰ পৰা এই আঁতৰাবলৈ কোৱাৰ পিছতে এই পদক্ষেপ গ্ৰহণ কৰা হৈছে ।
২৪ এপ্ৰিলত এখন সংবাদমেলৰ সময়ত হিন্দুস্থান ইউনিলিভাৰ লিমিটেডৰ মুখ্য বিত্তীয় বিষয়া ৰিতেশ তিৱাৰীয়ে এই ঘোষণা কৰি এই কথাত গুৰুত্ব আৰোপ কৰে যে এই পৰিৱৰ্তনে হেল্ডী ড্ৰিংক শ্ৰেণীটোৰ অধিক সঠিক আৰু স্বচ্ছ বৰ্ণনা প্ৰদান কৰিব।
হিন্দুস্থান ইউনিলিভাৰ লিমিটেডৰ মতে, ‘কাৰ্য্যকৰী পুষ্টিকৰ পানীয়’ শিতানে এই পানীয়ৰ প্ৰটিন আৰু অণুপুষ্টিকৰ অভাৱৰ প্ৰয়োজনীয়তাসমূহ পূৰণ কৰে।
খাদ্য সুৰক্ষা আৰু মানদণ্ড আইন ২০০৬ৰ অধীনত ‘স্বাস্থ্য পানীয়’ৰ স্পষ্ট সংজ্ঞাৰ অভাৱৰ বাবেই এই নিয়ন্ত্ৰণমূলক দমন ঘটাইছে ।
উল্লেখ্য যে, বৰ্নভিটা আৰু হৰ্লিক্সৰ দৰে পানীয়ত চেনিৰ মাত্ৰা অধিক হোৱাৰ বাবেই উদ্বেগ প্ৰকাশ কৰাৰ পিছতে এই পৰিৱৰ্তন হৈছে।
