চৰকাৰী কৰ্মচাৰীৰ বোজা সহিব নোৱাৰে চৰকাৰে ৷ চৰকাৰী কৰ্মচাৰীৰ বোজা আতৰাবলৈ বিকল্প চিন্তা দিছপুৰৰ ৷ নিৰ্বাচনী অধিসূচনা ভংগ হোৱাৰ পিচতে কৃষি বিভাগত স্বেচ্চামূলক অৱসৰ ৷ দিছপুৰৰ সিদ্ধান্তত ৩৫০ গৰাকী কৰ্মচাৰীয়ে হেৰুৱাব চাকৰি ৷ ৰাজ্যৰ কৃষক ৰাইজৰ উৎপাদিত সামগ্ৰীৰ বজাৰ প্ৰদান আৰু দাম নিযন্ত্ৰণক লৈ ৰাজ্যত গঠন হৈছিল অসম ৰাজ্যিক কৃষি সামগ্ৰী বিপণন পৰিষদ ৷ কৃষকৰ উৎপাদিত সামগ্ৰী উচিত মূল্য প্ৰদান আৰু বজান নিযন্ত্ৰণে অসম ৰাজ্যিক কৃষি সামগ্ৰী বিপণন পৰিষদৰ আছিল প্ৰথম আৰু প্ৰধান কাম ৷
পিছে, দীৰ্ঘদিনীয়া সেৱাৰ অন্তত অৱশেষত ৰাজ্য চৰকাৰে বন্ধৰ দিশে সিদ্ধান্ত অসম ৰাজ্যিক কৃষি সামগ্ৰী বিপণন পৰিষদ ৷ পৰিষদত পূৰ্বৰ ৭০০ গৰাকী বিষয়া কৰ্মচাৰীৰ বিপৰীতে এতিয়া থাকিব ৫৮ গৰাকী বিষয়া কৰ্মচাৰী ৷ ইয়াৰে প্ৰায় ৩৫০ গৰাকী কৰ্মচাৰীক স্বেচ্চামূলক অৱসৰ প্ৰদানৰ চিন্তা চৰ্চা চৰকাৰৰ ৷ দীৰ্ঘদিনে লাভৰ মুখ নেদেখা অসম ৰাজ্যিক কৃষি সামগ্ৰী বিপণন পৰিষদৰ কাম কাজৰ বাবে এনে সিদ্ধান্ত লোৱা বুলি একপ্ৰকাৰ স্পষ্ট কৃষি মন্ত্ৰী অতুল বৰাৰ ৷ দেশত GST ব্যৱস্থা সংযোজনে একপ্ৰকাৰ কাম নহোৱা কৰিছে অসম ৰাজ্যিক কৃষি সামগ্ৰী বিপণন পৰিষদৰ ৷
সেয়ে এনে সিদ্ধান্তৰ বাবে চৰকাৰে চিন্তা কৰা বুলি দাবী মন্ত্ৰী গৰাকীৰ ৷ উল্লেখ্য যে ইয়াৰ পূৰ্বে ৰাজ্য চৰকাৰে অসম ৰাজ্যিক পৰিবহন নিগমৰ শতাধিক কৰ্মচাৰীৰ স্বেচ্চামূলক অৱসৰৰ ব্যৱস্থা গ্ৰহণ কৰিছিল ৷ তাৰ পিছত এতিয়া আকৌ কৃষি বিভাগৰ বিপনন পৰিষদ ৷ মুঠৰ ওপৰত চৰকাৰী বোজা হ্ৰাস কৰাৰ চিন্তা দিছপুৰৰ ৷ পিছে, চৰকাৰৰ এনে সিদ্ধান্ত এতিয়া কৰ্মচাৰী সকলে কিদৰে গ্ৰহণ কৰে সেয়া হ’ব লক্ষণীয়?
