কোটি-কোটি ভাৰতীয়লৈ সুখবৰ। ভাৰতত ড্ৰাইভিং লাইচেন্সৰ ক্ষেত্ৰত নতুন নিয়ম ঘোষণা কৰিছে পথ পৰিবহণ আৰু ঘাইপথ মন্ত্ৰালয়ে। ১ জুনৰ পৰা চৰকাৰী RTOৰ পৰিৱৰ্তে ব্যক্তিগত ড্ৰাইভিং প্ৰশিক্ষণ কেন্দ্ৰত ড্ৰাইভিং পৰীক্ষা দিব পাৰিব। ব্যক্তিগত ড্ৰাইভিং প্ৰতিষ্ঠানসমূহে অনুজ্ঞাপত্ৰৰ যোগ্যতাৰ বাবে পৰীক্ষা অনুষ্ঠিত কৰিব লগতে ড্ৰাইভিং চাৰ্টিফিকেট প্ৰদান কৰিব।
পৰিৱেশৰ ওপৰত বিশেষ গুৰুত্ব প্ৰদান কৰিছে পথ পৰিবহণ আৰু ঘাইপথ মন্ত্ৰালয়ে। নতুন নিয়মৰ লক্ষ্য হৈছে যে এতিয়াৰে পৰা প্ৰায় ৯ লাখ পুৰণি চৰকাৰী বাহন পৰ্যায়ক্ৰমে বন্ধ কৰি দিব। কেৱল এয়াই নহয় তীব্ৰ বেগেৰে বাহন চলোৱাৰ বাবে জৰিমনা ১০০০ৰ পৰা ২০০০ৰ ভিতৰতে থাকিব। আৰু যদি তীব্ৰবেগেৰে বাহন চলাই বাহনৰ মালিকৰ ৰেজিষ্টেচন কাৰ্ড বাতিল হ’ব, আৰু নাবালকজন ২৫ বছৰ বয়সলৈকে অনুজ্ঞাপত্ৰৰ বাবে অযোগ্য হ’ব।
কিদৰে কৰিব ড্ৰাইভিং লাইচেঞ্চৰ বাবে আৱেদন?
মন্ত্ৰালয়ে নতুন অনুজ্ঞাপত্ৰৰ বাবে প্ৰয়োজনীয় নথিপত্ৰসমূহ প্ৰকাশ কৰিছে। বাহনৰ প্ৰকাৰে (দুচকীয়া বা চাৰিচকীয়া) প্ৰয়োজনীয় নিৰ্দিষ্ট নথি-পত্ৰ নিৰ্ধাৰণ কৰিছে। ইয়াৰ ফলত RTOত শাৰীৰিক পৰীক্ষাৰ প্ৰয়োজনীয়তা হ্ৰাস পায়।
ব্যক্তিগত ড্ৰাইভিং স্কুলৰ বাবে নতুন নিয়ম কি কি হ’ব?
গাড়ী চলোৱা প্ৰশিক্ষণ কেন্দ্ৰত নূন্যতম ১ একৰ মাটি থাকিব লাগিব। ব্যক্তিগত ড্ৰাইভিং স্কুলসমূহে উপযুক্ত পৰীক্ষাৰ সুবিধাৰ সুবিধা প্ৰদান কৰিব লাগিব। প্ৰশিক্ষকৰ হাইস্কুল ডিপ্লমা (বা সমতুল্য), কমেও ৫ বছৰৰ গাড়ী চলোৱাৰ অভিজ্ঞতা থকা লোক হ’ব লাগিব। আৰু বায়’মেট্ৰিক্স আৰু IT ব্যৱস্থাৰ সৈতে পৰিচিত হ’ব লাগিব। লঘু মটৰ গাড়ী (LMV)ৰ বাবে ৪ সপ্তাহত ২৯ ঘণ্টা, ৮ ঘণ্টাৰ তত্ত্ব আৰু ২১ ঘণ্টা ব্যৱহাৰিক প্ৰশিক্ষণত ভাগ কৰা হৈছে। গধুৰ মটৰ গাড়ী (HMV)ৰ বাবে ৬ সপ্তাহত ৩৮ ঘণ্টা, ৮ ঘণ্টাৰ তত্ত্ব আৰু ৩১ ঘণ্টা ব্যৱহাৰিক প্ৰশিক্ষণত ভাগ কৰা হৈছে। জাৰি কৰা এই নিয়মসমূহে ব্যক্তিগত প্ৰশিক্ষণ বিদ্যালয়ত নতুন চালকৰ বাবে উচ্চ মানদণ্ডৰ শিক্ষা আৰু প্ৰস্তুতি নিশ্চিতি প্ৰদান কৰিছে
অনুজ্ঞাপত্ৰ সম্পৰ্কীয় মাচুল কিমান হ’ব?
শিক্ষাৰ্থীৰ অনুজ্ঞাপত্ৰ প্ৰদান (ফৰ্ম ৩) ১৫০টকাৰ প্ৰয়োজন। শিক্ষাৰ্থীৰ অনুজ্ঞাপত্ৰ পৰীক্ষাৰ মাচুল (বা পুনৰাবৃত্তি পৰীক্ষা)ৰ বাবে ৫০টকা, ড্ৰাইভিং পৰীক্ষাৰ মাচুল ৩০০টকা। ড্ৰাইভিং লাইচেন্স প্ৰদানৰ বাবে ২০০ টকা।
আনহাতে আন্তঃৰাষ্ট্ৰীয় ড্ৰাইভিং পাৰ্মিট প্ৰদানৰ বাবে ১০০০ টকা। অনুজ্ঞাপত্ৰত আন এটা বাহন শ্ৰেণী সংযোজনৰ বাবে ৫০০টকা। বিপজ্জনক সামগ্ৰীৰ বাহনৰ বাবে অনুমোদনৰ বা নবীকৰণ, ড্ৰাইভিং লাইচেন্স নবীকৰণৰ বাবে ২০০ টকা।
কিন্তু কিদৰে কৰিব ড্ৰাইভিং লাইচেন্সৰ বাবে আবেদন?
আবেদন প্ৰক্ৰিয়া প্ৰায়ে একেই আছে। আপুনি অনলাইন বা অফলাইন https://parivahan.gov.in/ ত আবেদন কৰিব পাৰিব। আপোনাৰ আবেদনৰ মাচুল অনুজ্ঞাপত্ৰৰ ধৰণৰ ওপৰত নিৰ্ভৰ কৰিব। আপুনি নথিপত্ৰ জমা দিবলৈ আৰু অনুজ্ঞাপত্ৰ অনুমোদনৰ বাবে আপোনাৰ গাড়ী চলোৱা দক্ষতা প্ৰদৰ্শন কৰিবলৈ RTOলৈ যাব লাগিব।
