নলবাৰীত অনুষ্ঠিত কেবিনেট বৈঠকত পৰিৱেশন কৰা খাদ্য সম্ভাৰক লৈ অসন্তুষ্ট মুখ্যমন্ত্ৰী, জিলা আয়ুক্তক ককৰ্থনা

ইয়াৰ উপৰি ব্ৰেকফাষ্টত আছিল ধোকলা, চেন্দুইচ আৰু বইল কণী। অৱশ্যে মুখ্যমন্ত্ৰী হিমন্ত বিশ্ব শৰ্মাই খাইছিল নিৰামিষ। লগতে মন্ত্ৰী বিমল বৰাই খাইছিল ৰুটি আৰু দৈ।

কিয় খাদ্যৰ তালিকাক লৈ অসন্তুষ্টি প্ৰকাশ মুখ্যমন্ত্ৰীৰ?

উল্লেখযোগ্য যে হাফলঙত অনুষ্ঠিত কেবিনেট বৈঠকত গুৱাহাটীৰ পঞ্চতাৰকা হোটেলৰ পৰা গৈছিল খাদ্য সম্ভাৰ। গুৱাহাটীৰ এখন পঞ্চতাৰকা হোটেলৰ প্ৰিমিয়াম খাদ্য যোগান ধৰা হৈছিল হাফলঙৰ কেবিনেট বৈঠকত। যাৰ বাবে সমালোচনাৰ সন্মুখীন হৈছিল ৰাজ্য চৰকাৰ। তাৰ পিছতে মুখ্যমন্ত্ৰীয়ে শীঘ্ৰে সেইধৰণৰ ব্যৱস্থা বন্ধ কৰিবলৈ নিৰ্দেশ দিছিল আৰু কেবিনেট বৈঠকত সাধাৰণ নিৰামিষ আহাৰৰ ব্যৱস্থা কৰাৰ নিৰ্দেশ দিছিল।

তাৰ পিছতে শিলচৰত অনুষ্ঠিত হৈছিল কেবিনেট বৈঠক। মুখ্যমন্ত্ৰীৰ নিৰ্দেশমৰ্মেই শিলচৰত অনুষ্ঠিত কেবিনেট বৈঠকৰ খাদ্য তালিকা আছিল তেনেই সাধাৰণ। নৱেম্বৰ মাহত শিলচৰত অনুষ্ঠিত কেবিনেট বৈঠকত থলুৱাভাৱে প্ৰস্তুত কৰা খাদ্য পৰিৱেশন কৰা হৈছিল। আশীৰ্বাদ কমিউনিটী হলত প্ৰস্তুত কৰা শিলচৰ কেবিনেট বৈঠকৰ খাদ্য তালিকাত আছিল ভাত, ৰুটি, মিক্স ভেজ, মটৰ পনীৰ, ৰহৰ দাইল আৰু মুৰ্গী মাংস।