দীপাৱলীৰ নিশা পোহৰেৰে আলোকিত হৈ পৰিছিল সমগ্ৰ দেশ। বি-টাউনৰ চেলিব্ৰিটিসকলেও তেওঁলোকৰ ছ’চিয়েল মিডিয়াত পোষ্ট কৰিছে দীপাৱলী উদযাপনৰ ফটো। লগতে সকলোকে জনাইছে পোহৰৰ উৎসৱৰ শুভেচ্ছা। শেহতীয়াকৈ বিবাহপাশত আৱদ্ধ হোৱা বহুতো চেলিব্ৰিটিয়ে একেলগে তেওঁলোকৰ প্ৰথম দেৱালী উদযাপন কৰিছে।
বলীউডৰ অভিনেত্ৰী পৰিণীতি চোপ্ৰাই তেওঁৰ স্বামী ৰাঘৱ চাদ্ধাৰ সৈতে দেৱালী উৎসৱ উদযাপন কৰিছিল। পৰিণীতিক পৰম্পৰাগত পোছাকত অতি মৰমলগা দেখা হৈছিল।হাতত চাকিৰে সজোৱা থালিৰ সৈতে সেউজীয়া ৰঙৰ লেহেংগা পিন্ধা দেখা গৈছে অভিনেত্ৰীগৰাকীক । পৰিণীতি ফটোবোৰ পোষ্ট কৰাৰ সময়ত সকলোকে দেৱালীৰ শুভেচ্ছা জনাইছে।
প্ৰতিখন ঘৰত পোহৰ, প্ৰতিখন ঘৰত আনন্দ, এয়াই আপোনালোক সকলোৰে বাবে আমাৰ প্ৰাৰ্থনা… এই বাৰ্তাৰ সৈতে, অভিনেত্ৰী সোণাক্ষী সিনহাই তেওঁৰ স্বামী জাহিৰ ইকবালৰ সৈতে তেওঁৰ অফিচিয়েল ছ’চিয়েল মিডিয়া একাউণ্টত এখন ফটো পোষ্ট কৰে।
