বিগ বচৰ মজিয়া কঁপাইছে অসমৰ খানজাদীয়ে, বাৰে বাৰে চকুপানী, চলমান খানৰ গালি!
Big Boss 17ৰ এটা নতুন প্ৰ’ম’ত দেখা গৈছে যে শেহতীয়াকৈ বিগ বচৰ প্ৰতিযোগী অসমৰ খানজাদীয়ে প্ৰতিযোগিতা ত্যাগ কৰিব বিচাৰিছে। অসমৰ ফিৰোজা খান ওৰফে খানজাদীয়ে Weekend Ka Vaar ত চলমান খানৰ পৰা গালি খোৱা দেখা গৈছে। এনে লাগিছে যেন খানজাদীয়ে এইবাৰ নিজেও প্ৰতিযোগিতাখন ত্যাগ কৰিব বিচাৰিছে।
শেহতীয়া এটা নতুন প্ৰমোত দেখা গৈছে যে কেনেকৈ জিগনা ভোহৰাৰ সৈতে এটা টাস্কৰ সময়ত খানজাদীয়ে নিজৰ স্বাস্থ্যজনিত সমস্যা উত্থাপন কৰাৰ লগে লগে বিৰক্ত হৈছিল। শুনিবলৈ অস্বীকাৰ কৰা জিগনাক খানজাদীয়ে কয়, ‘মেৰী স্বাস্থ্য কো লেকে আপ মজাক মত কিজিয়ে (মোৰ স্বাস্থ্যৰ বিষয়ে ধেমালি নকৰিব)। চলমানেও খানজাদীৰ মনোভাৱত বিৰক্ত হৈ ক’লে, “খানজাদী, হো গয়া বহুত (বহুত হ’ল আৰু)।”
খানজাদীয়ে আৱেগিক হৈ ক’লে যে তেওঁৰ শাৰীৰিক স্বাস্থ্যৰ বিষয়ে একো শুনিব নিবিচাৰে। চলমানেও খঙেৰে খানজাদীক পুনৰায় কয়, “শাৰীৰিক স্বাস্থ্য কে বাৰে ম্যে ছিৰফ তুমনে বাতেন কি হেইন (কেৱল তুমিহে শ্ব’টোত শাৰীৰিক স্বাস্থ্যৰ কথা উত্থাপন কৰিছা)। খানজাদীয়ে ঘৰলৈ যাব বিচৰা বুলি কোৱাৰ লগে লগে চলমানে সুধিছে, “জানা হ্যে ঘৰ? হান তোহ যাও (ঘৰলৈ যাব মন গৈছে? তেন্তে গুচি যোৱা)।” খানজাদীয়ে ধুমুহা বেগেৰে ওলাই আহি দুৱাৰত হাউলি কান্দিবলৈ আৰম্ভ কৰে তেতিয়া অংকিতা লোখাণ্ডে আৰু আনসকলে খানজাদীক সান্ত্বনা দিয়ে আৰু শান্ত হ’বলৈ কয়।
View this post on Instagram
শ্ব’টোৰ অনুৰাগীসকলে ভাবিছিল যে এইবাৰ চলমানে অতিমাত্ৰা কৰিলে। “খানজাদী ভী থোদা জাদা কৰতি হে ….লেকিন ইচ বাৰ চলমান ভাই নে হি কুচ জাদা কৰ দিয়া ..আশা কৰা নাছিলো (খানজাদীয়ে বেছি কৰে কিন্তু এইবাৰ চলমান ভাইয়ে বেছি কৰিলে),” বুলি ইনষ্টাগ্ৰামত অনুৰাগী এজনৰ এনে এটা মন্তব্য দেখা গৈছে। আন এজন ব্যক্তিয়ে খানজাদীক এলেহুৱা বুলি ভাবিছিল। “অংকিতা আৰু খানজাদী, ঘৰখনৰ দুগৰাকী কামচোৰ। কেৱল সহানুভূতি তাচ খেলিব জানে। গোটেই ঘৰখন খানজাদীৰ বিৰুদ্ধে হোৱাৰ কাৰণ আছে কাৰণ তেওঁ সকলো সময়তে মিছা কথা কয়, তেওঁ মানুহক কেৱল বিৰক্ত কৰে।’- বুলিও আন এজন অনুৰাগীয়ে লিখিছে। কোনো অনুৰাগীয়েও মন্তব্য কৰিছে, “খানজাদী কা স্বাস্থ্য কে বাৰে মে নহী বোলনা চাহিয়ে কিউকি উস্কা প্ৰব্লেম হায় (তেওঁলোকে খানজাদীৰ স্বাস্থ্যজনিত সমস্যাৰ কথা ক’ব নালাগে, সেইটো তেওঁৰ সমস্যা)।”
