অঘৰী আত্মাৰ পৰা বচাবলৈ ল’ৰা-ছোৱালীক কুকুৰৰ সৈতে দিয়া হয় বিয়া, এইখন ৰাজ্যত আছে এই অদ্ভুত পৰম্পৰা…
আজিৰ যুগ একবিংশ শতিকাৰ, কিন্তু ইয়াৰ পিছতো পৃথিৱীত অন্ধবিশ্বাসৰ অন্ত পৰা নাই। তেনে এটা অন্ধবিশ্বাসৰ ঘটনা ওড়িশাৰ পৰাই চৰ্চালৈ আহিছে। ওড়িশাৰ বালাছ’ৰত ‘দুষ্ট আত্মাৰ পৰা আঁতৰি থাকিবলৈ’ দুটা নাবালক সন্তানক পথৰ কুকুৰৰ সৈতে বিয়া কৰাইছিল। তপন সিঙৰ পুত্ৰ মাত্ৰ ১১ বছৰীয়া দাৰি সিঙৰ বিয়া হৈছিল মাইকী কুকুৰৰ সৈতে। আনহাতে ৭ বছৰীয়া লক্ষ্মীৰ বিয়া হৈছিল এটা মতা কুকুৰৰ সৈতে।
বিভিন্ন অন্ধবিশ্বাসত বিশ্বাস কৰি শুদ্ধ আৰু অশুদ্ধৰ পাৰ্থক্য পাহৰি যোৱা শ শ লোকে দেশৰ লগতে বিশ্বৰ বিভিন্ন ঠাইত অন্ধবিশ্বাসত বিশ্বাস কৰে। ওড়িশাতো ‘সিং’ বন্ধাহী গাঁৱৰ ‘হো’ জনজাতিসকলৰ মাজতো একেধৰণৰ পৰম্পৰা আছে।
বিপদৰ পৰা হাত সাৰিবলৈ এই পৰম্পৰা…
‘হো’ জনজাতি সম্প্ৰদায়ৰ লোকসকলে বিশ্বাস কৰে যে শিশুৰ প্ৰথম দাঁত ওপৰৰ পাৰীত গজাটো অশুভ। এই সমস্যা সমাধানৰ বাবে জনজাতীয় সমাজৰ মানুহে নিজৰ সন্তানক কুকুৰৰ লগত বিয়া কৰাই দিয়ে। গাঁওখনৰ ২৮ বছৰীয়া স্নাতক সাগৰ সিঙে কয় যে সামূহিক পৰম্পৰা অনুসৰি দুটা নাবালক সন্তানক কুকুৰৰ লগত বিয়া কৰাইছিল আৰু সামূহিক ভোজৰ আয়োজনো কৰা হৈছিল। ৰাতিপুৱা সাত বজাৰ পৰা দুপৰীয়া এটা বজালৈকে চলিছিল বিয়াৰ অনুষ্ঠান। সাগৰে কয় যে সমাজৰ বিশ্বাস যে ‘বিবাহ’ হোৱাৰ পিছত তেওঁলোকৰ ক্ষেত্ৰত যিয়েই বেয়া হ’ব পাৰে, সেয়া ল’ৰা-ছোৱালীৰ পৰা কুকুৰলৈ যাব। যদিও ইয়াৰ কোনো বৈজ্ঞানিক ভিত্তি নাই, কিন্তু এই বিশ্বাস বহুদিন ধৰি চলি আহিছে আৰু এই অন্ধবিশ্বাস সমাজত ৰৈ গৈছে।
