23.5 C
Assam
Thursday, May 26, 2022

Featured News

অকলে দৌৰি স্বর্ণ জয় হিমাৰ

Assamese Newsঅকলে দৌৰি স্বর্ণ জয় হিমাৰ

অকলেই দৌৰি স্বর্ণ পদক জয় কৰিলে ভাৰতৰ আগশাৰীৰ মহিলা এথলীট অসম কন্যা হিমা দাসে৷ পাটিয়ালাত শুকুৰবাৰে অনুষ্ঠিত ইণ্ডিয়ান গ্রাঁ–প্রি ৩ৰ মহিলাৰ ১০০ মিটাৰ দৌৰত স্বর্ণ পদক জয় কৰে হিমা দাসে৷

১১.৬৭ ছেকেণ্ডত ১০০ মিটাৰ দৌৰ সম্পন্ন কৰি ধিং এক্সপ্রেছে কেৰিয়াৰশ্রেষ্ঠ প্রদর্শন দাঙি ধৰিবলৈ সক্ষম হয়৷ এই শাখাত কোনো এথলীটে ৰূপ আৰু ব্রঞ্জৰ পদক দখল কৰা নাছিল৷ কিয়নো, প্রতিযোগিতাখনৰ এই ইভেণ্টটোত হিমা দাসৰ বাহিৰে আন কোনো খেলুৱৈয়ে অংশগ্রহণ কৰা নাছিল৷

হিমা দাসৰ বিৰুদ্ধে কোনো খেলুৱৈয়ে ইভেণ্টটোত প্রতিদ্বন্দ্বিতা আগবঢ়াবলৈ ইচ্ছা প্রকাশ নকৰিলে৷ হিমা দাসৰ লগতে পঞ্জাবৰ অমৃত কৌৰে ইভেণ্টটোত অংশগ্রহণৰ বাবে এথলেটিকছ ফেডাৰেচন অৱ ইণ্ডিয়ালৈ নাম প্রেৰণ কৰিছিল যদিও অন্তিম মুহূর্তত অমৃত কৌৰে নাম প্রত্যাহাৰ কৰাৰ সিদ্ধান্ত গ্রহণ কৰে৷ ফলত অসম কন্যা হিমা দাসে অকলেই এই ইভেণ্টটোত অংশগ্রহণ কৰি স্বর্ণ পদক জয় কৰিবলৈ সক্ষম হয়৷
Source- Niyomiyabarta

Check out our other content

Check out other tags:

Most Popular Articles

error: Content is protected !!
%d bloggers like this: