শদিয়াৰ অমৰপুৰত ভয়ংকৰ নাও দুৰ্ঘটনা, দিবাং নদীত ডুবিল ৪০জন যাত্ৰী কঢ়িয়াই নিয়া নাও

শদিয়াৰ অমৰপুৰৰ দিবাং নদীত ভয়ংকৰ নাও দুৰ্ঘটনা। কোনোমতে প্ৰাণ ৰক্ষা ৪০ জনকৈ অধিক যাত্ৰীৰ। বুধবাৰে পুৱা প্ৰায় ৮ বজাত সংঘটিত হয় এই ভয়ংকৰ নাও দুৰ্ঘটনা৷ জানিব পৰা মতে, অমৰপুৰৰ পৰা শদিয়া সদৰলৈ যাত্ৰা কৰাৰ সময়ত দিবাং নদীৰ মাজভাগত সংঘটিত হয় এই নাও দুৰ্ঘটনাটো৷ দুৰ্ঘটনা সংঘটিত হোৱা নাওখনত আছিল প্ৰায় ৪০ জনতকৈ অধিক লোক থকাৰ উপৰিও এখন মেজিক, টাটা ছুম’, বলেৰ পিকআপ বাহনৰ লগতে বহু কেইখন মটৰ চাইকেল৷ ইয়াৰে মেজিক, টাটা ছুম’খন পানীত ডুব যায়। নাৱৰ মালিকৰ গাফিলিতিৰ বাবেই এই দুৰ্ঘটনাটো সংঘটিত হোৱাৰ অভিযোগ উঠিছে।