কংগ্ৰেছলৈ অগপৰ ৪ নেতা! চৰকাৰৰ মিত্ৰ দলত থাকি কিয় এৰিব বিচাৰিছে দল?

একেসময়তে ডেৰ বছৰ পূৰ্বে BPF ত্যাগ কৰা আছুৰ প্ৰাক্তন সভাপতি প্ৰবীণ কুমাৰ বড়োৰ এটা ফেচবুক প’ষ্টেও ৰাজনৈতিক মহলক আন এটা উমান দিছে। প্ৰবীন বড়োৱেও কংগ্ৰেছত যোগদান কৰাৰ চৰ্চা চলিছে। কাৰণ প্ৰবীন বড়োৱে এটা ফেচবুক প’ষ্টত এনেদৰে লিখিছে- ‘সঁচাই অতি বিচিত্ৰ ৰাজনীতিৰ পথাৰ। যিমানেই আগবাঢ়িব বিচাৰোঁ , সিমানে বাৰে বাৰে উজটি খাও । নিজে যিমানেই ভাল নহওক বা ভাল নকৰক তাত নেতৃত্বৰ ভাল পোৱা, বেয়া পোৱা কথাটোহে মুখ্য । ৰাজনীতিৰ কথা বতৰাবোৰ তেনেদৰেই অনুভব কৰোঁ । জীৱনৰ পথৰ এই কেঁকুৰিত থিয় হৈ আজি মই ৰাজনীতিৰ ক্ষেত্ৰত এক চূড়ান্ত সিদ্ধান্ত ল’বলৈ আগবাঢ়িছোঁ।’ ছ’চিয়েল মিডিয়াত কৰা এই প’ষ্টত ৰাজনীতিৰ ক্ষেত্ৰত চূড়ান্ত সিদ্ধান্ত লোৱাৰ কথাই প্ৰবীণ কুমাৰ বড়োৱে অৱগত কৰিছে। প্ৰবীণ বড়োৰ এই ইংগিতে কংগ্ৰেছৰ প্ৰতিয়ে বুলি বৰ্তমান ধাৰণা কৰা হৈছে।