নগাঁৱত জ্যেষ্ঠ সাংবাদিক , সমাজ সংগঠক ৰাজেন বৰকাকতিৰ ৮৮ সংখ্যক ওপজা দিন উদযাপন ।
নগাঁৱৰ জ্যেষ্ঠ সাংবাদিক , সমাজ সংগঠক , বিশিষ্ট ক্ৰীড়াবিদ ৰাজেন বৰকাকতিৰ ৮৮ সংখ্যক ওপজা দিনটো নগাঁৱত উদযাপন কৰা হয় । শিল্পী সমাজ অসমৰ উদ্যোগত নগাঁৱৰ নেহৰু যুৱ কেন্দ্ৰত এই উপলক্ষে এখনি সভাও অনুষ্ঠিত হয় । শিল্পী সমাজৰ সভাপতি ৰাতুল নেওগৰ পৌৰহিত্যত অনুষ্ঠিত হোৱা এই সভাখনতে বৰ্ষীয়ান সাংবাদিক তথা ক্ৰীড়া সাংবাদিক গৰাকীক বিভিন্ন অনুষ্ঠান-প্ৰতিষ্ঠানে ফুলৰ থোপা , গামোচা , জাপি , কিতাপৰ টোপোলা আৰু শৰাইৰে ওপজা দিনৰ ওলগ জনায় । এই অনুষ্ঠানটিতে তেখেতৰ এখনি অভিনন্দন গ্ৰন্থও উন্মোচন কৰা হয় । সাংবাদিক জিতেন বৰকটকীৰ সম্পাদনাৰ গ্ৰন্থখনি উন্মোচন কৰে বিশিষ্ট সাহিত্যিক উপেন্দ্ৰ বৰকটকীয়ে ।
Adil Shah Alam report, Nagaon.
