নাগালেণ্ডত অসমৰ দুই যুৱকৰ ৰহস্যজনক মৃত্যু, অৰ্দ্ধ উলংগ অৱস্থাত উদ্ধাৰ মৃতদেহ, হত্যাৰ সন্দেহ!
নাগালেণ্ডত অসমৰ দুই যুৱকৰ ৰহস্যজনক মৃত্যু। নাগালেণ্ডৰ মন জিলাৰ আংচেঙীয়াত উদ্ধাৰ হৈছে দুই যুৱকৰ মৃতদেহ। অৰ্দ্ধ উলংগ অৱস্থাত উদ্ধাৰ হৈছে সোণাৰিৰ দুই যুৱকৰ ক্ষত-বিক্ষত মৃতদেহ। মৃতদেহ দুটা ললিত নাওহলীয়া আৰু উৎপল তাছাৰ বুলি জানিব পৰা গৈছে।
উল্লেখযোগ্য যে, ২২ ছেপ্টেম্বৰত নাগালেণ্ডৰ টবুলৈ দোকানৰ সা-সামগ্ৰী পৰিবহণ কৰি ২৩ ছেপ্টেম্বৰত ঘূৰি অহাৰ পথত যুৱক দুজনৰ লগত যোগাযোগ বিচ্ছিন্ন হয়। এই সন্দৰ্ভত নাগালেণ্ড আৰক্ষীৰ লগতে নগা দল-সংগঠনৰ লগত যোগাযোগ কৰাৰ পাছত আজি পুৱা উদ্ধাৰ কৰা হয় মৃতদেহ দুটা। সোণাৰিৰ গাড়ী মালিক- চালক সন্থাই দুয়োকে হত্যাৰ সন্দেহ কৰিছে।
