পাহাৰীয়া জিলাত বৈধ হ’ব কয়লা খনন

ইয়াৰে পৰিষদে ৭০ আৰু ৰাজ্য চৰকাৰৰ ৩০ শতাংশ ৰাজহ লাভ কৰিব ৷ খনন আৰু পৰিবহণৰ অনুমতিৰ বাবে পৰিষদ দুখনৰ এনঅ’চি বাধ্যতামূলক হ’ব ৷ খননৰ ক্ষেত্ৰত পৰিষদৰ নীতি উলংঘা কৰিলে সেই প্ৰতিষ্ঠানখনৰ অনুমোদন বাতিল কৰা হ’ব ৷ সোমবাৰৰ বৈঠকত খচৰাখনক লৈ হোৱা বিতং আলোচনাৰ অন্তত বহুকেইটা সংশোধনী অনা হৈছে ৷

এই খচৰাই মুখ্যমন্ত্ৰীৰ অনুমোদন লাভ কৰাৰ পিছত তিনিদিনৰ ভিতৰত ইয়াক সম্পূৰ্ণ কৰি ৰাজহুৱা কৰা হ’ব বুলি মন্ত্ৰীগৰাকীয়ে মন্তব্য প্ৰকাশ কৰে ৷ আনহাতে, বৈঠকত উপস্থিত থকা কাৰ্বি আংলং স্বায়ত্ব শাসিত পৰিষদৰ মুখ্য কাৰ্যবাহী সদস্য ড৹ তুলিৰাম ৰংহাঙে কয় যে, দুয়োখন পাৰ্বত্য জিলাৰ খনিজাত সামগ্ৰী আহৰণৰ বাবে আজিৰ আলোচনা অনুষ্ঠিত হৈছিল ৷ পূৰ্বে এই ক্ষমতা পৰিষদৰ হাতত নাছিল ৷