মৰিয়নি পৌৰসভা নিৰ্বাচনত বিজেপিৰ শোচনীয় পৰাজয়ৰ পাছত বিধায়ক গৰাকীৰ প্ৰথম খন সংবাদমেল।মৰিয়নি পৌৰসভা বিজেপিয়ে গঠন কৰিব নোৱাৰিব বুলি জনাৰ পাছতো বিজেপিয়েই গঠন কৰাৰ ওপৰত সম্পূৰ্ণ আশাবাদী ৰূপজ্যোতি কুৰ্মী।অহা ৪এপ্ৰিলৰ ভিতৰত গঠন হ’ব মৰিয়নি পৌৰসভা।যিকেইটা ৱাৰ্ডত বিজেপি প্ৰাৰ্থীয়ে পৰাজয় বৰণ কৰে সেই সমুহ ৱাৰ্ডত কোনো উন্নয়ন নহ’ব বুলি ৰূপজ্যোতি কুৰ্মীৰ ঘোষনা।উল্লেখ্য যে পুনৰ জ্যোতিষী প্ৰসংগটো টানি আনি কয় যে তেওঁ ৭০বছৰ জীয়াই থাকিব আৰু জীয়াই থকা মুহুৰ্ত্বলৈকে বিধায়ক হৈয়েই থাকিব বুলি দাবী কৰি জনপ্ৰিয় হিন্দী বোলছবি ‘পুষ্পা’ৰ জনপ্ৰিয় ডায়লগ দোহাৰি কয় যে ৰূপজ্যোতি কুৰ্মী কভী ঝুকেগা নেহী।
বিধায়ক গৰাকীয়ে সংবাদমেল খনত লগতে জানিবলৈ দিয়ে যে পৰৱৰ্ত্তী নিৰ্বাচন নতুন সমষ্টি ভিত্তিত অনুস্থিত হ’ব যাৰ ফলত মৰিয়নি সমষ্টিৰ শেষগৰাকী বিধায়ক হিচাবে পৰিগনিত হৈ ৰ’ব বিধায়ক ৰূপজ্যোতি কুৰ্মী ৷
