অসমৰ জনপ্ৰিয় গায়িকা জুবলী বৰুৱা বিগত ৫ দিন ধৰি গুৱাহাটীৰ হেল্থ চিটি হস্পিটেলত চিকিৎসাধীন হৈ আছে। ক’ভিদৰ পিছত হোৱা কিছু জটিলতা আৰু ভাইৰেল নিউমোনিয়াত আক্ৰান্ত হোৱাৰ বাবে জুবলী কিছুদিনৰ আগতে হেল্থ চিটি হস্পিটেলত এডমিত হৈছিল। প্ৰতিবেদন অনুসৰি তেওঁৰ অৱস্থা এতিয়া স্থিৰ হৈ আছে। লক্ষণীয়ভাৱে, গায়িকা জুবলী বৰুৱা যোৱা এপ্ৰিল মাহত ক’ভিডত আক্ৰান্ত হৈছিল।
বাতৰিটো তেওঁ নিজেই এটা ফেচবুক প’ষ্টৰ জৰিয়তে প্ৰদান কৰিছে। তেওঁ লগতে কৈছিল যে,”ৰাতিপুৱাৰ পৰা মৃদু মুৰৰ বিষ অনুভৱ কৰাৰ লগতে কিছু দুৰ্বল অনুভৱ কৰি আছোঁ।মই আনক সংক্ৰমিত কৰিব নিবিচাৰোঁ আৰু সেয়েহে যোৱা ৬-৭ দিনত মোক লগ পোৱা লোকসকলক ক’ভিদ পৰীক্ষা কৰিবলৈ অনুৰোধ জনাইছোঁ।”
