সৰৰাচৰ কোৱা হয় যে দিনটোৰ আৰম্ভণি যিমানেই ভাল হ’ব, গোটেই দিনটো সিমানেই ভাল হ’ব। কিন্তু যদিহে আপুনি ৰাতিপুৱা পলমকৈ বিচনা এৰে বা আপুনি শুই উঠাৰ লগে লগে আপোনাৰ ম’বাইলটো চাবলৈ আৰম্ভ কৰে, এই অভ্যাসবোৰে আপোনাৰ স্বাস্থ্যক প্ৰভাৱিত কৰিব পাৰে আৰু আপুনি নজনাকৈয়ে অসুস্থ হৈ পৰিব পাৰে। এই অভ্যাসবোৰে আপোনাক ভাগৰুৱা অনুভৱ কৰাব আৰু গোটেই দিনটো সতেজ অনুভৱ কৰাৰ পৰা দূৰৈত ৰাখিব । গতিকে জানি লওঁ আহক ৰাতিপুৱাৰ কোনবোৰ অভ্যাসে আমাক অসুস্থ কৰি তোলে ।
ৰাতিপুৱাৰ এই বেয়া অভ্যাসবোৰ তৎক্ষণাৎ সলনি কৰক –
ৰাতিপুৱাৰ আহাৰ খোৱাত কেতিয়াও পলম নকৰিব। এটা স্বাস্থ্যকৰ ৰাতিপুৱাৰ আহাৰে আপোনাক গোটেই দিনটো উদ্যমী কৰি ৰাখিব পাৰে। যদি আপুনি ৰাতিপুৱাৰ আহাৰ গ্ৰহণ নকৰে, আপোনাৰ ৰোগ প্ৰতিৰোধ ক্ষমতাও দুৰ্বল হ’ব পাৰে আৰু আপুনি ৰোগৰ সন্মুখীন হ’ব পাৰে।
৩. চাহ বা কফি গ্ৰহণ –
ৰাতিপুৱা উঠি প্ৰথমে চাহ বা কফি খোৱাটো স্বাস্থ্যৰ বাবে অতি ক্ষতিকাৰক। আয়ুৰ্বেদ আৰু চিকিৎসা বিজ্ঞান দুয়োটাই ইয়াক সঠিক বুলি বিবেচনা নকৰে। এনে কৰিলে পেটত গেছ আৰু অন্যান্য সমস্যা হ’ব পাৰে।
৪. ব্যায়াম নকৰা –
ৰাতিপুৱা উঠি ব্যায়াম কৰাটো অতি গুৰুত্বপূৰ্ণ। ব্যায়ামে কেৱল গোটেই দিনটো সক্ৰিয় কৰি ৰখাই নহয়, ই আপোনাৰ পেশী, হাড় আৰু শৰীৰৰ বহু অংশ শক্তিশালী কৰি ৰাখে। ব্যায়ামৰ ফলত বহু গুৰুতৰ ৰোগো আঁতৰ হয় । ই আপোনাৰ মানসিক স্বাস্থ্যকো উন্নত কৰে।
৫. অস্বাস্থ্যকৰ ৰাতিপুৱাৰ আহাৰ –
সবল স্বাস্থ্যৰ বাবে স্বাস্থ্যকৰ ৰাতিপুৱাৰ আহাৰ অতি গুৰুত্বপূৰ্ণ। ৰাতিপুৱাৰ আহাৰো গধুৰ হ’ব লাগে। ৰাতিপুৱাৰ আহাৰত ওটমিল, শুকান ফল, ফলৰ ৰস, বুট-মগু,ৰুটি,সেউজীয়া পাচলি আদি খাব লাগে । এনে কৰিলে আপোনাক গোটেই দিনটো সক্ৰিয় হৈ থকাত সহায় কৰিব।
