আজিকালি প্ৰায় প্ৰতিটো পৰিয়ালৰ এজন সদস্যৰ হ’লেও মাইগ্ৰেনৰ সমস্যাত ভোগে৷ এই সমস্যা কিমান কষ্টকৰ কেৱল ভুক্তভোগীয়েহে জানে৷ এই সমস্যা যিমান জটিল তাৰ পৰা উপশম পোৱাটো তেনেই সহজ৷ ঔষধ খোৱাৰ পৰিৱৰ্তে মাত্ৰ কেইটামান ঘৰুৱা ব্যৱস্থা ল’লেই সহজে উপশম পাব পাৰি মাইগ্ৰেনৰ সমস্যাৰ পৰা৷ মাইগ্ৰেনৰ সমস্যাৰ প্ৰকৃত কাৰণ উদঘাটন কৰিবলৈ গৱেষণা চলি আছে৷ বিভিন্ন কাৰণে আপোনাৰ মাইগ্ৰেনৰ সমস্যা দেখা দিব পাৰে৷ প্ৰখৰ ৰ’দত বহু সময় থাকিলে,দীৰ্ঘ সময় মোবাইল বা কম্পিউটাৰৰ কামত ব্যস্ত থাকিলেও মাইগ্ৰেনৰ সমস্যা হ’ব পাৰে৷ তদুপৰি টোপনি কম হোৱা,চাইনাচৰ সমস্যা হ’লে অথবা মস্তিষ্কত ৰক্ত সঞ্চালন স্বাভাৱিক নহ’লে মাইগ্ৰেনৰ সমস্যা হ’ব পাৰে৷ মাইগ্ৰেনৰ সমস্যাৰ পৰা উপশম পাবলৈ কি কৰিব–
১. মেগনেচিয়াম,ওমেগা-৩ মিহলি বন্ধাকবিৰ চুপ বা চালাদ খালে মাইগ্ৰেনৰ সমস্যা কমে৷ তদুপৰি গাজৰ আৰু মিঠা আলুত থকা বিটা কেৰ’টিনে মাইগ্ৰেনৰ সমস্যা কমায়৷
২. চেৰি ফলৰ ৰস মাইগ্ৰেনৰ সমস্যা থকা লোকৰ বাবে অতি উপকাৰী৷ চেৰিত থকা প্ৰচুৰ পৰিমাণৰ পলিফেনলছ নামৰ এণ্টি অক্সিডেণ্ট বিধে মানুহৰ ষ্ট্ৰেছ দূৰ কৰে যাৰ ফলত মূৰৰ বিষ কমে৷
৩. মাইগ্ৰেনৰ সমস্যাৰ ক্ষেত্ৰত কাঠফুলা অতি উপকাৰী৷ কাঠফুলাত থকা মেগনেছিয়াম আৰু ৰিব’ফ্লোবিনে মাইগ্ৰেনৰ সমস্যা হ্ৰাস কৰে৷
৪. মাইগ্ৰেনৰ সমস্যাত ভোগা লোকে কেতিয়াও চকলেট,এলকহল,কণী,গাখীৰ আৰু দুগ্ধজাত খাদ্য, পিঁয়াজ,বিলাহী,ময়দাৰ ৰুটি নাখাব৷
৫. মাইগ্ৰেনৰ সমস্যাৰ বাবে মূৰৰ বিষ হ’লে প্ৰচুৰ পৰিমাণে পানী খাব৷ এনে কৰিলে প্ৰচণ্ড বিষৰ পৰা যথেষ্ট পৰিমাণে উপশম পাব পাৰিব৷
