ছিকিমৰ মুখ্যমন্ত্ৰী প্ৰেম সিং তামাঙে জাতি-জনগোষ্ঠীৰ লোকসকলক অধিক সন্তান জন্ম দিয়াৰ বাবে বিভিন্ন প্ৰৰোচনামূলক কথা ঘোষণা কৰে। দেওবাৰে (১৫ জানুৱাৰী) দক্ষিণ ছিকিমৰ যোৰথাং চহৰত মাঘ সংক্ৰান্তি কাৰ্যসূচীত ভাষণ দি তেওঁ কয় যে ছিকিমৰ “উৰ্বৰতাৰ হাৰে শেহতীয়া বছৰবোৰত প্ৰতিগৰাকী মহিলাৰ বাবে এটা সন্তানৰ বৃদ্ধিৰ হাৰ সৰ্বনিম্ন হাৰ ৰেকৰ্ড কৰিছে, জনগোষ্ঠীয় সম্প্ৰদায়ৰ সৈতে জনসংখ্যা হ্ৰাস পাইছে।”
টামাঙে কয় যে আমি মহিলাকে ধৰি স্থানীয় লোকসকলক অধিক সন্তান জন্ম দিবলৈ উৎসাহিত কৰি হ্ৰাস পোৱা প্ৰজননৰ হাৰক বৃদ্ধি কৰিব লাগিব।’ পুৰুষ কৰ্মচাৰীসকলক সন্তান জন্ম দিবলৈ উৎসাহিত কৰিবলৈ ৩০ দিনৰ পিতৃত্বৰ ছুটীও প্ৰদান কৰিছে।
ইপিনে মুখ্যমন্ত্ৰী তামাঙে কয় যে এই প্ৰক্ৰিয়াৰ জৰিয়তে সন্তান জন্ম দিয়া সকলো মাতৃক তিনি লাখ টকাৰ অনুদান প্ৰদান কৰা হ’ব। মুখ্যমন্ত্ৰীয়ে কয় যে এই পৰ্যন্ত ৩৮ গৰাকী মহিলাই ‘আই ভি এফ’ সুবিধাৰে গৰ্ভধাৰণ কৰিছে আৰু ইয়াৰে কিছুসংখ্যকে মাতৃও হৈছে। মাত্ৰ এটা সন্তান জন্ম দি ছিকিমৰ জনসাধাৰণক সৰু পৰিয়াল গঢ়িবলৈ “হেঁচা” দিয়াৰ বাবে পূৰ্বৰ পৱন কুমাৰ চামলিং নেতৃত্বাধীন চৰকাৰখনক তামাঙে তীব্ৰ ক্ষোভ প্ৰকাশ কৰে। বৰ্তমান ছিকিমৰ জনসংখ্যা আনুমানিক সাত লাখতকৈও কম, ইয়াৰে প্ৰায় ৮০ শতাংশ জনগোষ্ঠীয় সম্প্ৰদায়ৰ।
