বুধবাৰে পুৱাই মহানগৰী ডাউনটাউনৰ দ্বাৰকানগৰত সংঘটিত হ’ল এক শিহৰণকাৰী ঘটনা৷ ভৰলুমুখৰ অংকুৰ সুৰানা অপহৰণ কাণ্ডৰ চাঞ্চল্য মাৰ নৌযাওঁতেই বুধবাৰে পুৱাই ডাউনটাউনৰ দ্বাৰকানগৰত বলিৰাম দাস আদৰ্শ প্ৰাথমিক বিদ্যালয়ৰ সন্মুখত সংঘটিত হ’ল আন এক অপহৰণৰ অপচেষ্টা (Attempt to Abduct Teenager in Guwahti) ৷
পুৱা ৯ বজাত বলিৰাম দাস আদৰ্শ প্ৰাথমিক বিদ্যালয়লৈ বুলি দ্বিতীয়মানৰ এগৰাকী ছাএী আহি থাকোঁতে বিদ্যালয়ৰ সন্মুখতে এখন ছিলভাৰ ৰঙৰ মাৰুতি এল্ট্ৰ’ত অহা ৩ যুৱকে অপৰহৰণৰ চেষ্টা চলাইছিল ছাএীগৰাকীক৷ মুখত ক’লা কাপোৰ বান্ধি অহা ৩ যুৱকৰ কবলৰ পৰা কণমানিগৰাকীয়ে কোনোমতে পলাবলৈ সক্ষম হৈ যদিও কণমানিগৰাকী বিদ্যালয়ৰ পোছাক ফালি যায়।
কণমানিগৰাকীৰ চিঞৰ-বাখৰ শুনাত স্থানীয় লোকসকল ওলাই আহে যদিও ৩ দুৰ্বৃত্তই পলাই যাবলৈ সক্ষম হয় ৷ অৱশেষত কণমানিগৰাকীৰ মাতৃয়ে সমগ্ৰ ঘটনা বিৱৰি দিছপুৰ থানাত এখন এজাহাৰ দাখিল কৰে ৷ অৱশ্য এই মুহূৰ্তলৈ আৰক্ষীয়ে (Guwahati Police) দুৰ্বৃত্ত দলৰ কোনো সন্ধান উলিয়াব পৰা নাই।
