সমগ্ৰ বিশ্বত ‘পাঠান ধুমুহা’ বলিছে’ শ্বাহৰুখ খান অভিনীত ‘পাঠান’ ২৫ জানুৱাৰীত মুক্তি লাভ কৰিছে । প্ৰাপ্ত তথ্য অনুসৰি তেতিয়াৰ পৰাই ছবিখন পাকিস্তানৰ ছবিগৃহত বেআইনীভাৱে প্ৰদৰ্শিত হৈছে। কিন্তু পাকিস্তানৰ চেঞ্চৰ বোৰ্ডে এইবাৰ সেই দেশত ছবিখনৰ বেআইনি প্ৰদৰ্শন বন্ধ কৰিবলৈ কঠোৰ পদক্ষেপ লৈছে।
পাকিস্তানৰ চেঞ্চৰ বোৰ্ডে জনাইছে যে বোৰ্ডৰ অনুমতি অবিহনে ব্যক্তিগত স্থানত এখন চলচ্চিত্ৰ প্ৰদৰ্শন কৰাটো অবৈধ। অন্যথা, তিনি বছৰৰ কাৰাদণ্ড বা এক লাখ টকালৈকে জৰিমনা (পাকিস্তানী মুদ্ৰাত) পৰ্যন্ত হ’ব পাৰে।
পাকিস্তানত ‘পাঠান’ৰ সপ্ৰদৰ্শনী আয়োজন কৰিছিল ‘ ফায়াৰওয়াৰ্কছ ইভেণ্টছ ‘ নামৰ এটা সংগঠনে । তথ্য অনুসৰি চেঞ্চৰ বোৰ্ডৰ পৰা জাননী পোৱাৰ পাছত, তেওঁলোকে ছবিখনৰ প্ৰদৰ্শন বন্ধ কৰি দিছে।
ভাৰতকে ধৰি সমগ্ৰ বিশ্বৰ বক্স অফিচত অভিলেখ সৃষ্টি কৰিছে এই ছবিখনে ।দেশৰ বক্স অফিচত এই পৰ্যন্ত পাঠানে ৪১৪ কোটি ৫০ লাখ টকাৰ ব্যৱসায় কৰিছে। আনহাতে, ছবিখনে দেওবাৰলৈকে বিশ্বজুৰি মুঠ ৮৩২ কোটি টকাৰ ব্যৱসায় কৰিছে।
