পৃথিৱীত এনেকুৱা এটা দ্বীপ আছে য’ত এক আচৰিত পৰম্পৰা চলি আহিছে। এই অনন্য দ্বীপটোত মহিলাৰ প্ৰৱেশ সম্পূর্ণভাৱে নিষিদ্ধ, কেৱল পুৰুষহে ইয়ালৈ আহিব পাৰে আৰু তেওঁলোকে সাগৰৰ দেৱী ৰূপৰ উপাসনা কৰে। এই বিশেষ ঠাইখন হৈছে জাপানৰ অকিনোচিমা দ্বীপ। এই দ্বীপটোক ইউনেস্কো বিশ্ব ঐতিহ্যক্ষেত্ৰ হিচাপে ঘোষণা কৰা হৈছে। এই দ্বীপটো মুঠ ৭০০ বৰ্গ মিটাৰ জুৰি বিয়পি আছে। উল্লেখ্য যে, চতুৰ্থৰ পৰা নৱম শতিকাৰ ভিতৰত এই দ্বীপটো কোৰিয়ান দ্বীপপুঞ্জ আৰু চীনৰ মাজত বাণিজ্যৰ কেন্দ্ৰ বিন্দু হৈ পৰিছিল। এই দ্বীপটোক ধৰ্মীয়ভাৱে অতি পৱিত্ৰ বুলি গণ্য কৰা হয়। প্ৰাচীন কালৰ পৰা ই দ্বীপটোত চলি থকা ধৰ্মীয় প্ৰতিবন্ধকতাবোৰ আজিও বৈধ।
ইয়ালৈ অহা পুৰুষসকলৰ বাবেও কিছুমান কঠিন নিয়ম আছে, যিবোৰ তেওঁলোকে অনুসৰণ কৰিব লগা হয়। কোৱা হয় যে পুৰুষসকলে ইয়ালৈ যোৱাৰ আগতে গা ধোৱাটো অনিবার্য। ইয়াত নিয়মবোৰ ইমান কঠোৰ যে গোটেই বছৰত মাত্ৰ ২০০ জন পুৰুষহে ইয়ালৈ আহিব পাৰে। ইয়ালৈ অহাৰ সময়ত, তেওঁলোকে লগত একো আনিব নোৱাৰে অথবা তেওঁলোকে কোনোধৰণৰ সামগ্রী কঢ়িয়াই আনিব নোৱাৰে।
পুৰষলোকৰ এই ভ্ৰমণ অতি গোপনীয় হয়। এক বিশেষ প্ৰতিবেদন অনুসৰি, মুনাকাটা টাইছা ওকিৎচু মন্দিৰ এই দ্বীপত অৱস্থিত, য’ত সাগৰৰ দেৱীক পূজা কৰা হয়। য’ত সপ্তদশ শতিকাত সাগৰীয় যাত্ৰাত জাহাজৰ সুৰক্ষাৰ বাবে উপাসনা কৰা হৈছিল।
