যেতিয়াই এজন ব্যক্তিয়ে দুখ বা আনন্দ অনুভৱ কৰে, তেওঁ কান্দিবলৈ আৰম্ভ কৰে আৰু চকুৰ পৰা চকুপানী ওলাব ধৰে। কিন্তু কোনোবাই কেতিয়াবা ভাবিছেনে কান্দি থাকোঁতে চকুৰ পৰা চকুপানী কিয় ওলায়! কোনেও কান্দিবলৈ ভাল নাপায়, কিন্তু এনে বহুতো প্ৰেম আৰু দুখৰ ঘটনা আছে যেতিয়া মানুহৰ চকুৰ পৰা চকুপানী ওলাবলৈ আৰম্ভ কৰে। মানুহৰ চকুৰ পৰা চকুপানী আহে কেৱল কোনো দুখ, সমস্যা বা অত্যাধিক সুখৰ কাৰণে নহয়, বৰঞ্চ কেতিয়াবৈ নিৰ্দিষ্ট গোন্ধ বা তীব্ৰ বতাহৰ বাবেও চকুপানী ওলায়। চকুৰ পৰা চকুপানী ওলোৱা কাৰণটো সম্পূৰ্ণ বৈজ্ঞানিক।
মন কৰিবলগীয়া কথাটো হ’ল যে, পিঁয়াজ কাটি থাকোঁতে চকুপানী ওলাই অহাটো সচৰাচৰ হয়। চকুপানী মানুহৰ মনোভাৱৰ সৈতে সম্পৰ্কিত। বিজ্ঞানীসকলে মুখ্যতঃ চকুপানীক তিনিটা শ্ৰেণীত বিভক্ত কৰিছে। চকুপানীৰ প্ৰথম শ্ৰেণীটো হৈছে বেচল। এইবোৰ হৈছে আৱেগ নথকা চকুপানী, যি চকুবোৰ স্বাস্থ্যৱান কৰি ৰাখে আৰু চকুৰ মণি শুকাই য়োৱাত বাধা দিয়ে। দ্বিতীয় শ্ৰেণীটোতো আৱেগ নথকা চকুপানীয়ে অন্তৰ্ভুক্ত আছে। এই চকুপানীবোৰ এক নিৰ্দিষ্ট গোন্ধৰ প্ৰতিক্ৰিয়াৰ পৰা আহে, যেনে ফেনাইলৰ দৰে তীব্ৰ গোন্ধৰ পৰা অহা পিঁয়াজ কাটোতে ওলোৱা চকুপানী। ইয়াৰ পিছত চকুপানীৰ তৃতীয় শ্ৰেণীটো আহে যাক কান্দি থকা সময়ত ওলোৱা চকুপানী বুলি কোৱা হয়।
কান্দি থকা চকুপানীবোৰ এক আৱেগিক সঁহাৰি হিচাপে ওলাই আহে। প্ৰকৃততে, মানুহৰ মগজুত এক লিম্বিক প্ৰণালী আছে, য’ত মগজুৰ হাইপোথেলামাছ আছে। এই অংশটো স্নায়ুতন্ত্ৰৰ সৈতে পোনপটীয়াকৈ সম্পৰ্কিত। এই প্ৰণালীৰ নিউৰোট্ৰেন্সমিটাৰটোৱে সংকেত দিয়ে আৰু মানুহে আৱেগৰ এক অন্তিম পৰ্যায়ত কান্দিবলৈ ধৰে। এজন ব্যক্তিয়ে কেৱল দুখতে নহয় খং বা ভয় লাগিলেও কান্দিবলৈ আৰম্ভ কৰে আৰু চকুৰ পৰা চকুপানী ওলাবলৈ ধৰে। চকুপানীৰ আটাইতকৈ ডাঙৰ কাৰণ হৈছে পিঁয়াজত থকা ৰাসায়নিক পদাৰ্থ।
ইয়াক চিন-প্ৰপেন্থাইল-এছ-অক্সাইড বুলি কোৱা হয়। যেতিয়া পিঁয়াজ কাটি দিয়া হয় তেতিয়া ইয়াত থকা এই ৰাসায়নিক পদাৰ্থই চকুত থকা লেক্ৰিমাল গ্ৰন্থিক উদ্দীপিত কৰে যাৰ ফলত চকুৰ পৰা চকুপানী ওলাবলৈ আৰম্ভ কৰে। যদি কোনোবাই বিচাৰে যে পিঁয়াজ কাটি থাকোঁতে চকুপানী ওলাব নালাগে, তেন্তে ইয়াৰ বাবে পিঁয়াজ কটা পদ্ধতি সলনি কৰিব লাগিব। সকলোৱে জানি আচৰিত হ’ব যে কন্দাৰ বহুতো লাভালাভ আছে। যেতিয়া মানুহে কান্দে, ইয়াৰ জৰিয়তে শৰীৰৰ পৰা বিষাক্ত পদাৰ্থ ওলাই আহে। অলপ সময়ৰ বাবে কান্দিলে স্বাস্থ্যৰ বাবে লাভজনক হ’ব পাৰে। কান্দিলে মানুহে চাপৰ পৰা মুক্ত হ’ব পাৰে আৰু সতেজ অনুভৱ কৰিব পাৰে।
