নাজিৰা পৌৰ ব্লক কংগ্ৰেছৰ উদ্যোগত সোমবাৰে নাজিৰাত বাহিৰ কৰা হাত ছে হাত জোড়ো যাত্ৰা আৰু জয় ভাৰত সত্যাগ্ৰহ , পথসভাত অংশ লৈ অসম বিধান সভাৰ বিৰোধী দলপতি দেৱব্ৰত শইকীয়াই চৰকাৰৰ বিৰুদ্ধে সৰৱ প্ৰতিক্ৰিয়া প্ৰকাশ কৰি কয় , সাম্প্ৰতিক দেশৰ অৰ্থনৈতিক সংকটৰ ছবি স্পষ্ট হৈ পৰিছে , যুৱ সমাজ কৰ্ম সংস্থাপনহীনতা , সহ্যৰ সীমা চেৰাই যোৱা মূল্যবৃদ্ধি , কৃষি খণ্ডৰ ভয়ংকৰ দুৰ্দশাগ্ৰস্ত অৱস্থা আৰু দেশৰ সম্পদৰাজিৰ ওপৰত কৰ্পৰেট গোষ্ঠীৰ সম্পূৰ্ণ দখল অব্যাহত আছে বুলি অভিযোগ উত্থাপন কৰে । বিৰোধী দলপতি দেৱব্ৰত শইকীয়াই লগতে কয় ,ৰাহুল গান্ধীক বিজেপি চৰকাৰে অন্যায় ভাৱে জেললৈ নিক্ষেপ কৰাৰ ষড়যন্ত্ৰ কৰা বুলি মন্তব্য কৰি প্ৰতিবাদ সাব্যস্ত কৰে ।
ইয়াৰোপৰি বিজেপি চৰকাৰে বিভিন্ন প্ৰতিশ্ৰুতি পালনতো ব্যৰ্থ হোৱা বুলি সৰৱ হৈ পৰে শইকীয়া।
বাইটঃ দেবব্ৰত শইকীয়া
নাজিৰাৰ পৰা ৰঞ্জিত সভাপণ্ডিত ৰিপ’ৰ্ট ।।
