কামৰূপ আৰু ৰঙিয়া আৰক্ষীয়ে এক অভিযান চলাই বুধবাৰে সন্ধিয়াৰ ভাগত নামনি মূৱা লোকমান্য তিলক নামৰ এক্সপ্ৰেছ ৰেলগাড়ী খনৰ পৰা এজন যুৱকক হেৰ’ইন সহ আটক কৰিবলৈ সক্ষম হয় । আটকাধীন যুৱকজন বৰপেটা ৰো’ডৰ জয়পুৰ জয়চাটি গাওঁৰ চুমেদ আলী বুলি জানিব পৰা গৈছে । অসম আৰক্ষীৰ (হেডকোৱাটাৰ ) এ চি পি কল্যাণ পাঠকৰ আৰু ৰঙিয়া আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীৰ নেতৃত্বত আৰক্ষীৰ দল এটাই ৰেলগাড়ীখনত তালাচী চলাই । তালাচীৰ সময়ত ধৃত যুৱক জনে জেকটৰ ভিতৰত লৈ অহা তিনি পেকেট হেৰ’ইন সহ কেবাটাও চাবোনৰ বাকচ উদ্ধাৰ কৰিবলৈ সক্ষম হয় । আৰক্ষীয়ে জানিবলৈ দিয়ামতে হিৰ’ইন খিনিৰ ওজন ৪০ গ্ৰাম ইয়াৰ মূল্য লক্ষাধিক টকা ।
