ঈদৰ বজাৰ কৰিবলৈ এৰি টিনপাত ক্ৰয় কৰিবলৈ হেতাওপৰা লাগিছে ৰঙিয়াত । এদিনৰ ভিতৰতে নিজ ময়মতালিৰে অত্যাধিক হাৰত টিনপাতৰ দাম বৃদ্ধি কৰিছে টিনপাতৰ ব্যৱসায়ীসকলে । সকলো দেখি, শুনিও অধিক মূল্যত টিনপাত ক্ৰয় কৰিবলৈ বাধ্য হৈছে ৰঙিয়াৰবাসী । কিয়নো এদিন পূৰ্বে হঠাৎ অহা বৰদৈচিলা আৰু শিলাবৃষ্টিয়ে ৰঙিয়াৰ ধুহিবালা, ডিমু, বালিসত্ৰ, কেন্দুকোনা, বালিসত্ৰ, মৰাণজানা, দ্বাৰকুছি, মাদৈকাটা আদি অঞ্চলত বিস্তাৰ ক্ষতিসাধন কৰিছে । বহু লোকৰ ঘৰ ভাঙি পৰে আৰু অধিকাংশ লোকৰ ঘৰৰ টিন পাতবোৰ চিন্ন ভিন্ন কৰে । ইয়াৰে সম্পূৰ্ণ সুযোগ লাভ কৰিছে ৰঙিয়াৰ টিনপাতৰ ব্যৱসায়ীসকলে । নিজ ময়মতালিৰে টিনপাতৰ অত্যধিক মূল্য লৈছে ভুক্তভোগী গ্ৰাহকসকলৰ পৰা । আন একাংশ ব্যৱসায়ীয়ে আকৌ টিনপাতৰ নাটনি দেখুৱাই ৫০ শতাংশ বঢ়াই দাম নিৰ্ধাৰণ কৰিছে টিনপাতৰ । সেই এতিয়া ভুক্তভোগী গ্ৰাহকসকলে মহকুমা প্ৰশাসনৰ হস্তক্ষেপ বিচাৰিছে । টিনপাত ব্যৱসায়ীসকলক নাকি লগাই টিনপাতৰ দাম নিৰ্ধাৰণ কৰি দিয়ক মহকুমা প্ৰশাসনে । লগতে ধুমুহা আৰু শিলাবৃষ্টিত ক্ষতিগ্ৰস্ত লোকসকলক সাহাৰ্য প্ৰদানৰ দাবী জনাইছে চৰকাৰক ।
ৰঙিয়াৰ পৰা ৰিজাউল হাচান ।
