বেছিসংখ্যক মানুহে প্ৰায়ে পুৱাৰ আহাৰ বা অন্যান্য আহাৰৰ সৈতে কণী খাবলৈ ভাল পায় লগতে ইয়াক চুপাৰফুড বুলি গণ্য কৰা হয়। কিন্তু দৈনিক কিমানটা কণী খাব লাগে, যদি এদিনত বেছিকৈ কণী খোৱা হয় তেন্তে কেনেধৰণৰ ক্ষতি হ’ব পাৰে সেই বিষয়ে জানি থোৱা উচিত।
কণীক চুপাৰফুড বুলি গণ্য কৰা হয় কিয়নো ই স্বাস্থ্যৰ বাবে অতি উপকাৰী। সেইকাৰণে বেছিভাগ স্বাস্থ্য বিশেষজ্ঞই ইয়াক দৈনিক খোৱাৰ পৰামৰ্শ দিয়ে। ইয়াত প্ৰ’টিন, ভিটামিন ডি, ভিটামিন বি ১২ আৰু স্বাস্থ্যকৰ চৰ্বি থাকে। ইমানবোৰ পুষ্টি থকা স্বত্বেও, ইয়াক খোৱাৰ ক্ষেত্ৰত যত্ন লোৱা উচিত।
যদি এজন স্বাস্থ্যৱান প্ৰাপ্তবয়স্কই দৈনিক এটা কণী খায়, তেনেহ’লে ই তেওঁৰ বাবে যথেষ্ট, কিন্তু জীৱনশৈলীৰ ওপৰতো বহুখিনি নিৰ্ভৰ কৰে। যদি কাৰোবাৰ কোনো ৰোগ নাথাকে, তেন্তে তেওঁ এদিনত সৰ্বাধিক ৩ টা কণীও খাব পাৰে। জিম কৰা, ব্যায়াম কৰা লোকসকলক অধিক প্ৰ’টিনৰ প্ৰয়োজন, সেয়ে তেওঁলোকে বিশেষজ্ঞৰ পৰামৰ্শ অনুসৰি কণীৰ পৰিমাণ বৃদ্ধি কৰিব পাৰে।
• বেছিকৈ কণী খালে হ’ব পৰা সমস্যাসমূহঃ
~ ডায়েৰিয়া
কোৱা হয় যে যিকোনো বস্তুৰ অধিক খোৱা সঠিক নহয়। কণীৰ ক্ষেত্ৰতো এইটো একেই। সকলোৱে কণী খাব লাগে কিন্তু ইয়াৰ পৰিমাণ সীমিত কৰিব লাগে নহলে শৰীৰৰ বহুতো ক্ষতি হ’ব পাৰে। অত্যাধিক কণী খোৱাৰ ফলত ডায়েৰিয়া হোৱাৰ আশংকা অধিক। এই ৰোগৰ পিছত, শৰীৰ অতি দুৰ্বল হৈ পৰে, সেয়েহে খাদ্যাভ্যাসৰ ওপৰত নিয়ন্ত্ৰণ কৰিব লাগে।
~ কোষ্ঠকাঠিন্য
প্ৰয়োজনতকৈ অধিক কণী খলে পাচন তন্ত্ৰৰ ওপৰত প্ৰত্যক্ষভাৱে প্ৰভাৱ পৰিব পাৰে, যাৰ ফলত কোষ্ঠকাঠিন্যৰ সমস্যা হ’ব পাৰে। কিছুমান ক্ষেত্ৰত, পেট ফুলা, পেটৰ জ্বলা-পোৰা আৰু গেছৰ সমস্যা হোৱাৰ আশংকা থাকে।
~ কলেষ্টেৰল
কণীৰ হালধীয়া অংশ কুহুমত স্বাস্থ্যকৰ চৰ্বি পোৱা যায়, যদিও ই সংপৃক্ত চৰ্বিৰ দৰে ক্ষতিকাৰক নহয়, কিন্তু যিসকল লোক ইতিমধ্যে উচ্চ কলেষ্টেৰলৰ সমস্যাত ভুগি আছে তেওঁলোকে কণী কমকৈ খাব লাগে।
