গৰমৰ দিনকেইটাত কেৱল ডাঙৰৰেই নহয়, শিশুসকলেও বিভিন্ন সমস্যাত ভূগিবলগীয়া হয়। এই ঋতুত শিশুৰ ছালত বিভিন্ন প্ৰকাৰৰ সমস্যাই দেখা দিয়ে। পৰিৱৰ্তনশীল ঋতুত যদি শিশুৰ ছালৰ যত্ন লোৱা নহয়, তেনেহ’লে বহু প্ৰকাৰৰ সমস্যা হ’বলৈ আৰম্ভ কৰে। প্ৰচণ্ড গৰমত শিশুৰ ছাল অতি শুকান হৈ পৰে, সেয়েহে এই সময়ছোৱাত অভিভাৱকসকলে তেওঁলোকৰ ছালৰ বিশেষ যত্ন ল’ব লাগে। আপুনি গ্ৰীষ্মকালত শিশুৰ ছালৰ কিদৰে যত্ন ল’ব, সেই বিষয়ে আজি জানো আহক-
শিশুৰ ছালৰ সমস্যা কিয় হয় ?
বিশেষজ্ঞসকলৰ মতে, শিশুৰ ছালৰ স্তৰ অতি পাতল।সেয়েহে, গৰম দিনত তাপৰ ফলত ছালত ৰঙা দাগ, খজুৱতি, ফুলা তথা জ্বলা-পোৰা আদিৰ দৰে সমস্যাই দেখা দিয়ে।এনে সমস্যাই দেখা দিলে পিতৃ-মাতৃয়ে তেওঁলোকৰ বিশেষ যত্ন ল’ব লাগে। পিতৃ-মাতৃৰ সৰু-সৰু অৱহেলাই শিশুৰ স্বাস্থ্যত গুৰুতৰ প্ৰভাৱ পেলাব পাৰে।
আহাৰৰ প্ৰতি মনোযোগ দিব
এই ঋতুত আপোনাৰ শিশুটিৰ আহাৰৰ যত্ন ল’ব। এই ঋতুত তেওঁলোকক ভিটামিন-ই, অমেগা-৩ ফেটি এচিড সমৃদ্ধ খাদ্য খাবলৈ দিব।আপুনি শিশুসকলক যি খাবলৈ দিয়ে, তেওঁলোকৰ স্বাস্থ্যৰ লগতে ই ছালকো প্ৰভাৱিত কৰে।
বেছি সময় গা ধুৱাব নালাগে
যদি অত্যাধিক গৰম হয়, শিশুটিক বেছি সময় গা ধুৱাব নালাগে। দীঘলীয়া সময়ৰ বাবে গা ধুৱালে তেওঁলোকে ছালৰ আৰ্দ্ৰতা হেৰুৱাব পাৰে। ইয়াৰ বাহিৰেও শিশুটিক গা ধুওৱাৰ সময়ত অত্যাধিক চাবোন-ছেম্পু ব্যৱহাৰ নকৰিব।
ময়েশ্চাৰাইজাৰৰ ব্যৱহাৰ
গ্ৰীষ্মকালত শিশুৰ ছালক আৰ্দ্ৰতাৰ পৰা সুৰক্ষিত কৰাৰ বাবে তেওঁলোকৰ ছালত ময়েশ্চাৰাইজাৰ প্ৰয়োগ কৰিবলৈ নাপাহৰিব।
বিঃদ্রঃ এই আর্টিকেলটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়িবলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ গ্রহণ কৰক ।
