গাখীৰক ‘সম্পূৰ্ণ আহাৰ’ বুলি গণ্য কৰা হৈছে। স্বাস্থ্য বিশেষজ্ঞসকলৰ মতে, যদি আপুনি কোনো কাৰণত আহাৰ গ্ৰহণ কৰিব পৰা নাই, তেন্তে আপুনি এগিলাচ গাখীৰ খাই আহাৰৰ ঠাই পূৰণ কৰিব পাৰে।কিন্তু দিনৰ সলনি ৰাতি গাখীৰ খাই শুলে ই শৰীৰক বহুখিনি উপকাৰ কৰে।ৰাতি গাখীৰ খোৱাৰ উপকাৰিতাৰ বিষয়ে আজি জানো আহক-
কেলচিয়ামৰ পৰিপূৰক
আমাৰ দাঁত আৰু হাড় কেলচিয়ামৰে গঠিত। গাখীৰত প্ৰচুৰ পৰিমাণে কেলচিয়াম থাকে।প্ৰতিদিনে ৰাতি গৰম গাখীৰ খোৱাটোৱে আমাৰ দাঁত আৰু হাড় শক্তিশালী কৰি তোলে।
শক্তি বৃদ্ধিত কাৰ্যকৰী
কেলচিয়ামৰ লগতে গাখীৰত প্ৰচুৰ পৰিমাণৰ প্ৰ’টিন থাকে। যাৰ বাবে প্ৰতিদিনে গাখীৰ খোৱাটো স্বাস্থ্যৰ পক্ষে খুব উপকাৰী বুলি গণ্য কৰা হয়। দিনটো এগিলাচ গৰম গাখীৰেৰে আৰম্ভ কৰিলে আপুনি গোটেই দিনটো শক্তিশালী হৈ থাকিব পাৰে। পেশীৰ বিকাশৰ বাবেও ৰাতি গাখীৰ খোৱাটো খুৱেই দৰকাৰী।
কোষ্ঠকাঠিন্যৰ সমস্যা
যদি আপোনাৰ কোষ্ঠকাঠিন্যৰ সমস্যা আছে, তেনেহ’লে ৰাতি গৰম গাখীৰ খোৱাটো আপোনাৰ বাবে অতি উপকাৰী প্ৰমাণিত হ’ব। ই হজমৰ বাবেও অতি উপকাৰী। যিসকলৰ কোষ্ঠকাঠিন্যৰ সমস্যা আছে তেওঁলোকে গৰম গাখীৰক ঔষধ হিচাপে গ্ৰহণ কৰিব পাৰে।
ক্লান্তি দূৰ হয়
যদি আপুনি কাম কৰোঁতে অতি সোনকালে ভাগৰি পৰে, তেনেহ’লে আপুনি ৰাতি গৰম গাখীৰ খোৱা আৰম্ভ কৰিব পাৰে। বিশেষকৈ শিশুসকলক প্ৰতিদিনে ৰাতি শোৱাৰ আগত গাখীৰ দিব লাগে।
ডিঙিৰ বাবে উপকাৰী
গাখীৰ খোৱাটোৱে ডিঙি ভাল কৰি ৰাখে। যদি আপোনাৰ ডিঙিত কোনো সমস্যা আছে, তেন্তে আপুনি ৰাতি একাপ গৰম গাখীৰত এক চিকুট জালুক মিহলাই খাব পাৰে।
চাপ উপশম
অফিচয়েই হওঁক অথবা ঘৰ, কামৰ বাবে আমি খুবেই চাপত থাকো। এনে পৰিস্থিতিত, ৰাতি গৰম গাখীৰ খোৱাটোৱে আপোনাক এই চাপৰ পৰা সকাহ পোৱাত সহায় কৰিব। গাখীৰ খোৱাৰ পিছত, দিনটোৰ চাপ হ্ৰাস হ’ব আৰু আপুনি সকাহ অনুভৱ কৰিব।
অনিদ্ৰাৰ সমস্যা
ৰাতি গাখীৰ খোৱাৰ এয়া আটাইতকৈ ডাঙৰ লাভ। ৰাতি টোপনি যোৱাৰ আগতে পাতল গৰম গাখীৰ খোৱাটোৱে আপোনাক খুব ভাল টোপনি দিব পাৰে। এয়া ইতিমধ্যে বহু অধ্যয়নত প্ৰকাশ পাইছে।
বিঃদ্রঃ এই আর্টিকেলটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়িবলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ গ্রহণ কৰক ।
