স্বামীক অকথ্য শাৰীৰিক-মানসিক নিৰ্যাতনৰ ঘটনা ৷ পত্নীৰ নিৰ্যাতন সহিব নোৱাৰি স্বামীয়ে সামাজিক মাধ্যমত লিখিলে আত্মহননৰ কথা ৷ ভুক্তভোগী স্বামীৰ কথা জানিব পাৰি আৰক্ষীয়ে উদ্ধাৰ কৰে লোকজনক ৷ এই ঘটনা সংঘটিত হৈছে তেজপুৰত ৷ ইয়াকে লৈ চহৰখনত অব্যাহত আছে ব্যাপক চাঞ্চল্য ৷ ঘটনাৰ বিৱৰণী অনুসৰি, যোৰহাটৰ দেৱিন্দৰ সিং মাৰৱাহ নামৰ এজন যুৱক ৭ বছৰ পূৰ্বে বিবাহপাশত আবদ্ধ হৈছিল তেজপুৰৰ এগৰাকী বৰা উপাধিৰ যুৱতীৰ স’তে ৷ বিবাহৰ পিছত যুৱকজনে তেজপুৰত থাকিবলৈ লয় ৷ বিবাহিত যুৱকজনৰ অভিযোগ অনুসৰি, বিয়াৰ দিন ধৰি পত্নীয়ে তেওঁৰ ওপৰত অকথ্য শাৰীৰিক-মানসিক নিৰ্যাতন চলাই আহিছে ৷ স্বামীৰ পৰিয়াল তথা পিতৃ-মাতৃক দেখা কৰাটো দূৰৰে কথা, আনকি ফোনেৰেও সম্পৰ্ক ৰক্ষা কৰিবলৈ নিদিয়ে পত্নীয়ে ৷ এই ক্ষেত্ৰত শহুৰ-শাহু তথা পৰিয়ালে পত্নীক উচটনি দি আহিছে ৷ পত্নীক নিৰ্যাতন চলোৱা, যৌতুক দাবী আদি কাৰণ দেখুৱাই অনাহকত লোকজনক পত্নীয়ে কেইবাবাৰো আৰক্ষী চকীৰ আলহীও কৰাইছে ৷ বিবাহিত যুৱকজনে শোণিতপুৰৰ অতিৰিক্ত আৰক্ষী অধীক্ষকৰ লগতে যোৰহাট আৰক্ষীকো পত্নী তথা পত্নীৰ পৰিয়ালৰ সমস্ত কথা লিখিতভাৱে জনোৱাৰ পিছতো “আইন মহিলাৰ বাবে অধিক শক্তিশালী হোৱা”ৰ সম্পূৰ্ণ সুযোগ গ্ৰহণ কৰি পত্নীয়ে নগুৰ-নাগতি কৰি আহিছে ৷ যাৰ পৰিণতিত নিশা উজাগৰে পাৰ কৰি অহা যুৱকজনৰ ব্যৱসায়-বাণিজ্যও বিঘ্নিত হৈছে ৷ পত্নীৰ অত্যাচাৰত অতিষ্ঠ আৰু উপায়হীন হৈ বিবাহিত যুৱকজনে কালি নিশা নিজৰ ফেচবুক প্ৰফাইলত আগন্তুক ২৪ ঘন্টাৰ ভিতৰত আত্মহননৰ কথা বৰ্ণনা কৰাৰ পিছতে আৰক্ষীয়ে লোকজনক তেজপুৰত থকা ভাৰাঘৰৰ পৰা উদ্ধাৰ কৰে ৷ আজি সংবাদ মাধ্যমৰ ওচৰত ভুক্তভোগী যুৱকজনে কয় যে যোৱা ৭ বছৰত চাৰিবাৰকৈ অন্তঃসত্ত্বা হোৱা পত্নীয়ে দাবী কৰা অনুসৰি, যোৰহাটৰ পৰিয়ালবৰ্গৰ স’তে সম্পৰ্ক সম্পূৰ্ণভাৱে বিচ্ছেদ কৰা লিখিত পত্ৰ নিদিয়াৰ বাবেই চাৰিবাৰেই গৰ্ভপাত কৰাইছিল মহিলাগৰাকীয়ে ৷ সময়ে সময়ে তন্ত্ৰ-মন্ত্ৰৰো সহায় লোৱা পত্নীগৰাকীয়ে প্ৰায়েই স্বামীৰ ওপৰত দিনে-নিশাই চলাইছিল অকথ্য শাৰীৰিক-মানসিক নিৰ্যাতন ৷ উপায়হীন হৈয়েই যুৱকজনে আত্মহননৰ সিদ্ধান্ত লোৱা বুলি আজি সদৰী কৰাৰ লগতে সংবাদ মাধ্যমৰ জৰিয়তে মুখ্যমন্ত্ৰী ড° হিমন্ত বিশ্ব শৰ্মা আৰু ডিজিপিক তেওঁৰ জীৱন ৰক্ষাৰ বাবে অনুৰোধ জনায় ৷
তেজপুৰত স্বামী নিৰ্যাতনৰ ঘটনা; পত্নীৰ নিৰ্যাতন সহিব নোৱাৰি আত্মহননৰ সিদ্ধান্ত লোৱা যুৱকক উদ্ধাৰ আৰক্ষীৰ
Posted on by GTM Desk
![](https://guwahatitimes.com/wp-content/uploads/2023/09/husband-beating-women.jpg)
1 min read
You May Also Like
মহামণ্ডলেশ্বৰ হোৱাৰ বাবে ১০ কোটি টকা দিছিল মমতা কুলকাৰ্নীয়ে?
February 4, 2025
কিয় নিজকে শেষ কৰি দিলে জাগীৰোডৰ সুস্মা দেৱনাথে?
February 4, 2025
মহাপাপ কৰিলে পুত্ৰই! বৃদ্ধ পিতৃ-মাতৃক এৰি থৈ আহিল মহাকুম্ভত..
February 4, 2025
More From Author
মহামণ্ডলেশ্বৰ হোৱাৰ বাবে ১০ কোটি টকা দিছিল মমতা কুলকাৰ্নীয়ে?
February 4, 2025
কিয় নিজকে শেষ কৰি দিলে জাগীৰোডৰ সুস্মা দেৱনাথে?
February 4, 2025
মহাপাপ কৰিলে পুত্ৰই! বৃদ্ধ পিতৃ-মাতৃক এৰি থৈ আহিল মহাকুম্ভত..
February 4, 2025