বিলাসীপাৰা আৰক্ষীৰ বৃহৎ সফলতা। ১৭নং ৰাষ্ট্ৰীয় ঘাইপথৰ নাথপাৰাত খেদি খেদি আটক কৰে দুজন পিষ্টলধাৰী দুৰ্বৃত্তক। দুৰ্বৃত্ত দুটাৰ পৰা তিনি জাঁই সজীৱ গুলীসহ এটা 7.65 MM পিষ্টল আৰু এখন পালচাৰ বাইক জব্দ কৰে আৰক্ষীয়ে।
বিলাসীপাৰা মহকুমাৰ আৰক্ষী বিষয়া ড০ স্মৃতি ৰেখা ফুকনৰ নেতৃত্বত চলিছিল এই অভিযান। পিষ্টলধাৰী দুৰ্বৃত্তক দুজন ক্ৰমে ছফিকুল ইছলাম আৰু মতিউৰ ৰহমান।
ছকিকুল ইছলাম(৩৪)ৰ ঘৰ বিলাসীপাৰাৰ হাকামাত আৰু মতিউৰ ৰহমানৰ(৩৮) ঘৰ চিৰাকুটা ২য় খণ্ড গাঁৱত। দুৰ্বৃত্ত দুটাক অধিক তথ্যৰ বাবে বিলাসীপাৰা আৰক্ষীয়ে জেৰা অব্যাহত ৰাখিছে বুলি জানিব পৰা গৈছে।
