নৱৰাত্ৰিৰ সময়ত মা দুৰ্গাৰ ৯টা ৰূপক পূজা কৰা হয় । দ্ৰিক পঞ্চাংগৰ মতে, আজি কৰা হ’ব মা ব্ৰহ্মচাৰিণীৰ পূজা-অৰ্চনা ৷
নৱৰাত্ৰিৰ সময়ত মা দুৰ্গাৰ ৯টা ৰূপক পূজা কৰা হয় । এইবাৰ নৱৰাত্ৰী ২০২৩ চনৰ ১৬ অক্টোবৰৰপৰা আৰম্ভ হ’ব । বিশ্বাস কৰা হয় যে, মা দুৰ্গাৰ নটা ৰূপ অতি প্ৰভাৱশালী আৰু সকলো ইচ্ছা পূৰণ কৰে । নৱৰাত্ৰিৰ এই ৯টা দিনত দেৱীৰ ৯টা ৰূপৰ পূজা কৰা হয় ৷
মা ব্ৰহ্মচাৰিনী কোন ?
হিমালয়ৰ তাত পুত্ৰী ৰূপে উৎপন্ন হোৱাত নিজৰ এই পৰৱৰ্ত্তী জন্মতো নাৰদৰ উপদেশ মতে ভগৱান শংকৰক পতিৰূপে পাবলৈ তেওঁ অতি ঘোৰ তপস্যা কৰিছিল । তেনে দুষ্কৰ তপস্যাৰ বাবে তেওঁক “তপচাৰিণী” বা “ব্ৰহ্মচাৰিণী” নামেৰে অভিহিত কৰা হৈছিল ।
মা-দুৰ্গাৰ এই দ্বিতীয় স্বৰূপটো ভক্ত আৰু সিদ্ধ সকলৰ অনন্ত ফলপ্ৰদ । ব্ৰহ্মচাৰিণীৰ উপাসনা কৰিলে মানুহৰ তপস্যা, যোগ, বৈৰাগ্য, সদাচাৰ আৰু সংযম বৃদ্ধি পায় । জীৱনৰ কঠিন সংঘাত বোৰতো তেওঁৰ মন কৰ্তব্য পথৰ পৰা বিচ্যুত নহয় । দুৰ্গাপূজাৰ দ্বিতীয় দিৱসত এখেতৰে স্বৰূপৰ উপাসনা কৰা হয়।
তাৎপৰ্য্য: দেৱী ব্ৰহ্মচাৰিণীয়ে পবিত্ৰতা আৰু সৰলতাক সূচায় । শাস্ত্ৰমতে ব্ৰহ্মচাৰিণীয়ে মংগলক নিয়ন্ত্ৰণ কৰি নিজৰ ভক্তসকলক শান্তি আৰু সুখ প্ৰদান কৰে ।