আলফা (স্বা:) কেম্পৰ পৰা পলায়ন কৰি অহা আলফা (স্বা:)ৰ কেডাৰ পলাশ মৰাণৰ আত্মসমৰ্পণ ।
ফিল’বাৰী আৰক্ষী থানাত, তিনিচুকীয়া জিলাৰ শীৰ্ষ আৰক্ষী বিষয়াৰ আগত আত্মসমৰ্পণ কৰে কেডাৰগৰাকীয়ে ।
তিনিচুকীয়া জিলাৰ ফিল’বাৰীৰ ২ নং নলনী গাঁৱত ঘৰ কেডাৰগৰাকীৰ ।
২০১৯ চনত আলফা স্বাধীনত যোগদান কৰিছিল পলাশ মৰাণে ।
আলফা (স্বা:)ৰ শিবিৰৰ পৰা আজি নিশা অকস্মাতে পলাশ ঘৰত আহি উপস্থিত হোৱাত পৰিয়ালৰ লোকে পলাশক ফিল’বাৰী আৰক্ষী থানালৈ লৈ আহি আত্মসমৰ্পণ কৰোৱাই ।
আত্মসমৰ্পণৰ সময়ত আলফা (স্বা:)ৰ কেডাৰগৰাকীয়ে কি অস্ত্ৰ-শস্ত্ৰ জমা দিছে সেই কথা বৰ্তমানলৈকে সদৰি কৰা নাই আৰক্ষীয়ে ।
