কাৰ ৰোষত কোটি কোটি লোকৰ ক্ৰাছ ৰশ্মিকা মন্দান্না!

ৰশ্মিকাৰ সৈতে ‘গুডবাই’ত কাম কৰা অভিনেতা অমিতাভ বচ্চনে এক্স পোষ্টটো ৰিটুইট কৰি এনে অপকৰ্মৰ বিৰুদ্ধে আইনী ব্যৱস্থা গ্ৰহণ কৰিবলৈ আহ্বান জনায়। তেওঁ লিখিছে, “হয় এইটো আইনৰ বাবে এক গুৰুত্বপূৰ্ণ গোচৰ।

এজন সাংবাদিকে আপত্তি দৰ্শাই ভিডিঅ’টো ভুৱা বুলি নিশ্চিত কৰে। “ভাৰতত ‘ডিপফেক’ৰ সৈতে মোকাবিলা কৰিবলৈ আইনী আৰু নিয়ন্ত্ৰণমূলক কাঠামোৰ জৰুৰী প্ৰয়োজন। অভিনেত্ৰী ৰশ্মিকা মন্দান্নাৰ এই ভাইৰেল ভিডিঅ’টো আপোনালোকে হয়তো ইনষ্টাগ্ৰামত দেখিছে। কিন্তু ৰ’ব, এইটো প্ৰকৃততে জাৰা পেটেলৰহে ডিপফে’ক ভিডিঅ’।” বুলি Xত মন্তব্য কৰে সাংবাদিকজনে।

“আপত্তিজনক দৃষ্টিকোণৰ পৰা ভাইৰেল ভিডিঅ’টো সাধাৰণ ছ’চিয়েল মিডিয়া ব্যৱহাৰকাৰীয়ে ইয়াৰ বিশ্বাস কৰিবলৈ ই যথেষ্ট নিখুঁত। কিন্তু ভিডিঅ’টো ভালদৰে মন কৰিলে (০:০১)ত দেখা পাব যে যেতিয়া ৰশ্মিকা (আপত্তিজনক ভিডিঅ’টোত) লিফ্টত প্ৰৱেশ কৰি আছিল, তেতিয়া হঠাতে তেওঁৰ মুখখন আন এগৰাকী যুৱতীৰ পৰা ৰশ্মিকালৈ সলনি হৈ যায়।’- বুলিও তেওঁ লগতে কয়।

অভিনেত্ৰী ৰশ্মিকাই এতিয়া সমগ্ৰ ঘটনাটোক লৈ প্ৰতিক্ৰিয়া প্ৰকাশ কৰিছে। অভিনেত্ৰীগৰাকীয়ে ইনষ্টাগ্ৰাম ষ্টৰীত লিখিছে যে, “এইটো শ্বেয়াৰ কৰি মই সঁচাকৈয়ে আঘাত পাইছো আৰু মোৰ অনলাইনত বিয়পি পৰা Deepfake ভিডিঅ’টোৰ কথা ক’বলগীয়া হৈছে। সঁচা কথা ক’বলৈ গ’লে এনেকুৱা ঘটনা কেৱল মোৰ বাবেই নহয়, আমাৰ প্ৰত্যেকৰে বাবেও অত্যন্ত ভয়ংকৰ যিটো আজি প্ৰযুক্তিৰ অপব্যৱহাৰ কেনেকৈ চলি আছে যাৰ বাবে ইমান ক্ষতিৰ সন্মুখীন হ’বলগীয়া হৈছে। আজি এগৰাকী নাৰী হিচাপে আৰু অভিনেত্ৰী হিচাপে মোৰ পৰিয়াল, বন্ধু-বান্ধৱী আৰু শুভাকাংক্ষীসকলক ধন্যবাদ জনাইছো যিসকল মোৰ বাবে সুৰক্ষা আৰু সমৰ্থনকাৰী। কিন্তু যদি মই স্কুল বা কলেজত পঢ়ি থাকোঁতে মোৰ লগত এনেকুৱা হ’লহেতেন, তেন্তে মই সঁচাকৈয়ে কল্পনা কৰিব নোৱাৰো যে মই এইটোৰ সৈতে কেনেকৈ মোকাবিলা কৰিব পাৰিলোহেতেন। আমাৰ অধিকাংশই এনে পৰিচয় চুৰিৰ সমস্যাৰ দ্বাৰা প্ৰভাৱিত হোৱাৰ আগতে আমি ইয়াক এটা সম্প্ৰদায় হিচাপে আৰু জৰুৰীভাৱে সমাধান কৰিব লাগিব।”