নেপালৰ পখৰাত সংযুক্ত ভাৰতীয় খেল ফেডাৰেচনে যোৱা ৫ অক্টোবৰৰ পৰা ৯ অক্টোবৰলৈ অনুষ্ঠিত কৰা অষ্টম এছ বি কে এফ ইণ্টাৰনেচনেল গেমছ, ২০২৩-ত শিৱসাগৰৰ তিনিগৰাকী খেলুৱৈয়ে সৰ্বমুঠ ১১ টা সোণৰ পদক লাভ কৰি জিলাখনৰ লগতে অসম তথা ভাৰতলৈ গৌৰৱ কঢ়িয়াই আনিছে।
![](https://gumlet.assettype.com/asomiyapratidin%2F2023-10%2F5b6ae2fe-b78c-43eb-a1fe-7dd9d116a7a1%2F5e119a74_6365_496c_bd58_cb1510221af2.jpg?auto=format%2Ccompress)
জিলাখনৰ চিমৰণ গগৈয়ে আন্তঃৰাষ্ট্ৰীয় ক্ৰীড়া প্ৰতিযোগিতাখনৰ ১৭ বছৰ অনুৰ্ধ্ব শাখাত ৫০ মিটাৰ আৰু ১০০ মিটাৰ ফ্ৰি ষ্টাইল, ৫০ মিটাৰ বেক ষ্ট্ৰক, ২০০ মিটাৰ ব্যক্তিগত মেডলি ৰিলেত ৪ টাকৈ সোণৰ পদক লাভ কৰিবলৈ সক্ষম হয়।
আনহাতে পংকজ চেতিয়াই ৩০ বছৰ অনুৰ্ধ্ব শাখাত একেই বিভাগতে ৪ টা সোণৰ পদক লাভ কৰাৰ লগতে ৫০ মিটাৰ অনুৰ্ধ্বৰ শাখাত অনন্ত ৰাজকোঁৱৰে ২০০ মিটাৰ আৰু ৪০০ মিটাৰ ত্ৰিপুল জাম্পত ৩ টা সোণৰ পদক লাভেৰে আমাক গৌৰৱান্বিত কৰিছে।
![](https://gumlet.assettype.com/asomiyapratidin%2F2023-10%2Fe9959591-4e0e-4f1b-b82b-692ba4b7ac28%2F8eba12ff_8a77_4df2_bd4a_e868dbdd9e16.jpg?auto=format%2Ccompress)