মৃত্যুদূত হৈ ভুল দিশৰ পৰা আহিছিল অভাৰলোডেড কলয়া পৰিবাহী ট্ৰাক!
এই দুৰ্ঘটনাত গাঁওখনৰ দুটাকৈ পৰিয়াল সম্পূৰ্ণৰূপে নিঃশেষ হৈ যায়। পৰিয়াল দুটাৰ মুঠ ৯জন সদস্যৰ মৃত্যু হোৱা বুলি মন্তব্য কৰিছে গাঁওখনৰ লোকে।
দেৰগাঁৱত মৰ্মান্তিক দুৰ্ঘটনাত প্ৰাণ গ’ল ১২জনকৈ লোকৰ। বনভোজ খাবলৈ যোৱা এখন বাছৰ ট্ৰাকৰ সৈতে মুখামুখি সংঘৰ্ষ হোৱাৰ ফলত সংঘটিত হয় এই দুৰ্ঘটনা। এই দুৰ্ঘটনাত ৩০জনতকৈ অধিক লোক আহত হয়। কিন্তু কাৰ ভুলৰ বাবে এই দুৰ্ঘটনা সংঘটিত হ’ল?
জানিব পৰা মতে, ভুল পথেৰে আহি আছিল কয়লাভৰ্তি অভাৰলোডেড ট্ৰাকখন। যাৰ ফলতে বাছখনৰ সৈতে মুখামুখি সংঘৰ্ষ হয়। পুৱা অতিমাত্ৰা কুঁৱলি থকাৰ বাবে বাছৰ চালকে হয়তো বিপৰীত দিশৰ পৰা অহা ট্ৰাকখনৰ কোনো উমান পোৱা নাছিল। অভাৰলোডেড ট্ৰাকখন ভুল দিশৰ পৰা আহি থকা বাবেই এই ভয়ংকৰ দুৰ্ঘটনাটো সংঘটিত হোৱাৰ অভিযোগ উঠিছে।
এই দুৰ্ঘটনাৰ ফলত মুহূৰ্তৰ ভিতৰতে অন্ধকাৰ নামি আহিল বহুকেইটা পৰিয়াললৈ। ১২জন লোকৰ মৃত্যু, ৩০জনৰো অধিক চিকিৎসাধীন। স্থানীয় লোকৰ পৰা জানিব পৰা মতে, এই দুৰ্ঘটনাত গাঁওখনৰ দুটাকৈ পৰিয়াল সম্পূৰ্ণৰূপে নিঃশেষ হৈ যায়। পৰিয়াল দুটাৰ মুঠ ৯জন সদস্যৰ মৃত্যু হোৱা বুলি মন্তব্য কৰিছে গাঁওখনৰ লোকে।
