সঠিক সময়ত পিৰিয়ড হোৱাটো মহিলাৰ বাবে সুস্বাস্থ্যৰ লক্ষণ, যদি ই পলম হয় তেন্তে প্ৰথমে জানি লওক কিয় এনেকুৱা হৈছে। সাধাৰণতে যেতিয়া ৫ দিন বা তাতকৈ অধিক সময়ৰ পিছত পিৰিয়ড হয় তেতিয়া টেনচন অনিবাৰ্য। ইয়াৰ আঁৰৰ কাৰণ কি হ’ব পাৰে জানো আহক-
যদি আপোনাৰ জীৱনত অত্যাধিক মানসিক চাপ থাকে তেন্তে ই হৰম’নৰ ভাৰসাম্যহীনতাৰ সৃষ্টি কৰাটো নিশ্চিত, এইটো পলমকৈ মাহেকীয়া হোৱাৰ এটা ডাঙৰ কাৰণ হৈ পৰিব পাৰে।
সাধাৰণতে অসুস্থ হৈ থাকিলেও বিশেষকৈ ঠাণ্ডা হ’লে বা কোনো ধৰণৰ সংক্ৰমণ হ’লে দেৰিকৈ মাহেকীয়া হোৱাৰ সমস্যা হ’ব পাৰে।
শৰীৰত আইৰণৰ অভাৱ হ’লে ঋতুস্ৰাৱ পলম হ’ব পাৰে। ইয়াৰ পৰা হাত সাৰিবলৈ দৈনন্দিন খাদ্যত পালেং, পটল, ব্ৰকলি, বন্ধাকবি, ৰঙা মাংস, কণী আৰু চৰ্বিযুক্ত মাছ অন্তৰ্ভুক্ত কৰিব লাগে।
যদি আপোনাৰ শৰীৰত পানীৰ অভাৱ হয় তেন্তে ইয়াৰ ফলত দেৰিকৈ মাহেকীয়া হ’ব পাৰে, সেয়েহে গোটেই দিনটো কমেও ৭ৰ পৰা ৮ গিলাচ পানী খাব পাৰে বা একে পৰিমাণে স্বাস্থ্যকৰ তৰল পদাৰ্থ খাব পাৰে।
যদি আপুনি আপোনাৰ দৈনন্দিন ব্যায়ামত বেছি পৰিৱৰ্তন কৰে তেন্তে আপোনাৰ মাহেকীয়া পিছুৱাই যাব পাৰে, প্ৰশিক্ষকৰ পৰামৰ্শ লোৱাৰ পিছতহে আপোনাৰ ৱৰ্কআউটত পৰিৱৰ্তন অনাটো ভাল।
অত্যধিক ওজন পৰিৱৰ্তনে আপোনাৰ শৰীৰলৈ শক্তি আৰু তেজৰ মজুত সংৰক্ষণৰ সংকেত প্ৰেৰণ কৰিব পাৰে, যাৰ ফলত ঋতুস্ৰাৱ পলম হ’ব পাৰে।
টোপনি নিয়ন্ত্ৰণ কৰা মেলাটনিন নামৰ হৰম’নেও আপোনাৰ পিৰিয়ড চক্ৰত প্ৰভাৱ পেলাব পাৰে, গতিকে টোপনিৰ সময় নিৰ্ধাৰণ কৰক আৰু সেইটো অনুসৰণ কৰক।
যদি আপোনাৰ থাইৰয়ড বেছি হয় তেন্তে ইয়াৰ ফলত দেৰিকৈ মাহেকীয়া হ’ব পাৰে।
Disclaimer: এই প্ৰতিবেদন কেৱল সাধাৰণ তথ্যৰ বাবে, সেয়েহে বিশদ জানিবলৈ সদায়ে এজন বিশেষজ্ঞৰ পৰামৰ্শ লওঁক।
