মানৱ সেৱাই পৰম ধৰ্ম , এই বাক্যফাকিকে সৰোগত কৰি চাইনিং গ্ৰীণ আচিয়ানা ৱেলফেয়াৰ ফাউণ্ডেচনে বিভিন্ন সময়ত বিতৰণ কৰি আহিছে বস্ত্ৰ ৷ এইবাৰো বিশ্বনাথ জিলাৰ অসম অৰুণাচল সীমান্তৱৰ্তীৰ চেলাইখাতি বনগাওঁত চাইনিং গ্ৰীণ আচিয়ানা ৱেলফেয়াৰ ফাউণ্ডেচনৰ সঞ্চালক ড°কিশোৰ হাজৰিকা সঞ্চালিকা স্নিগ্ধাজ্যোতি গোস্বামী হাজৰিকাই ৰাইজৰ মাজত বিতৰণ কৰে কম্বল ৷
তেওঁলোকৰ পুত্ৰ ৰিতম হাজৰিকাৰ জন্মদিন উপলক্ষে আয়োজন কৰা শীতকালীন বস্ত্ৰ বিতৰণৰ কৰা কাৰ্যসুচীত প্ৰায় শতাধিক সংখ্যক লোকক প্ৰদান কৰা হয় গৰম বস্ত্ৰ ৷ চেলাইখাতিৰ ২নং নদুৱাৰ ফৰেষ্ট প্ৰাথমিক বিদ্যালয়ৰ প্ৰাংগনত আয়োজন কৰা সাংবাদিক ৰমেশ চন্দ্ৰ চৰেণ’ৰ আঁত ধৰা বস্ত্ৰ বিতৰন কৰা কাৰ্যসূচীত সঞ্চালক ড°কিশোৰ হাজৰিকা আৰু সঞ্চালিকা স্নিগ্ধাজ্যোতি গোস্বামী হাজৰিকায়ে তেওঁলোকৰ পুত্ৰ ৰিতম হাজৰিকাৰ জন্মদিন উপলক্ষে ৰাইজৰ আশীষ বিচাৰি ৰাইজৰ মাজত কম্বল বিতৰণ কৰাৰ কথা সদৰি কৰে ৷ সেইমৰ্মে স্থানীয় ৰাইজে ৰিতমৰ কুশল কামনাৰে ভগৱানৰ ওচৰত প্ৰাৰ্থনা জনাই আশীষ প্ৰদান কৰে ৷
ৰিতমেও আনন্দমনেৰে নিজ হাতে ৰাইজৰ মাজত বিতৰন কৰে শীতকালীন বস্ত্ৰ ৷ প্ৰথমবাৰৰ বাবে ছেলাইখাতি বনগাওঁৰ দৰে পিছপৰা গাওঁখনত মানৱসেৱা ধৰ্মী ব্যক্তিক্ৰমৰূপত জন্মদিন পালন কৰা চাইনিং গ্ৰীণ আচিয়ানা ৱেলফেয়াৰ ফাউণ্ডেচনৰ সঞ্চালক , সঞ্চালিকা গৰাকীক ধন্যবাদ আৰু কৃতজ্ঞতা জ্ঞাপন কৰাৰ লগতে এই মহান কাৰ্যক ভূয়সী প্ৰশংসা কৰে স্থানীয় ৰাইজে ৷ পৰিশেষত গাওঁখনৰ উদীয়মান যুৱক সমাজকৰ্মী আগষ্টিন তিৰ্কীৰ শুভেচ্ছামুলক বক্তব্যৰে কাৰ্যসূচী সামৰণি পৰে ৷
